“Jason ishte lojtar me perspektivë”, Vllaznia reagon për 11-vjeçarin që humbi jetën bashkë me të atin

Ngjarja e rëndë që ndodhi në Bogë, tronditi jo vetëm Shkodrën, por të gjithë Shqipërinë.

Babë e bir, Pjetër dhe Jason Rushaj humbën jetën pasi i mori përpara rrjedha e përroit në Malësinë e Madhe.

Së fundmi klubi i Vllaznisë bën me dije se Jason ishte pjesë e akademisë së tyre, ndërsa përmes një reagimi në rrjetet sociale u shpreh ngushëllime familjarëve.

“Ndarja nga jeta në mënyrë tragjike dje në Bogë e Pjetër dhe Jason Rrushajt ka qenë një ngjarje e rëndë për të gjithë, përfshirë këtu edhe komunitetin e futbollit pasi Jason ishte një lojtar me perspektivë qê po rritej tek Akademia e Futbollit “Djelmnia shkodrane”..

KF Vllaznia i shpreh ngushëllimet më të sinqerta familjes Rushaj, e po ashtu edhe Akademisë së Futbolllit “Djelmnia shkodrane” për këtë humbje të madhe. U prehsh në paqe Jason!”, shkruan Vllaznia.


Shtuar 21.11.2022 18:22