Japonia premton 5.5 miliardë dollarë ndihmë shtesë për Ukrainën

Kryeministri Fumio Kishida ka thënë se Japonia do t’i ofrojë Ukrainës një mbështetje financiare prej 5.5 miliardë dollarësh ndërsa afrohet këtë javë përvjetori i një viti luftë.

Japonia tashmë i kishte dhënë Ukrainës rreth 600 milionë dollarë, si dhe ndihmë emergjente humanitare me vlerë qindra milionë dollarë, sipas zyrës së kryeministrit.

“Ka ende nevojë për të ndihmuar njerëzit, mjetet e jetesës së të cilëve janë shkatërruar nga lufta, dhe për të rivendosur infrastrukturën e shkatërruar”, tha Kishida.

Ai gjithashtu njoftoi se Japonia do të presë një video-konferencë të liderëve të G7 me Zelensky të premten, ditën e përvjetorit të pushtimit. /albeu.com


Shtuar 20.02.2023 18:04