Izolohen flakët në Palasë pas disa orësh ndërhyrjeje për shuarjen e zjarrit (VIDEO)

Zjarri i shpërthyer në zonën e Palasës është vënë nën kontroll dhe situata po kthehet gradualisht në normalitet. Sipas të dhënave paraprake, vatra u aktivizua rreth orës 02:00 pas mesnatës, duke alarmuar autoritetet vendore, të cilat mobilizuan menjëherë ekipet në terren.

Forcat zjarrfikëse punuan pa ndërprerje gjatë gjithë natës për shuarjen e zjarrit. Gjatë ditës së sotme, operacionit iu bashkuan edhe helikopterë, ndërhyrja e të cilëve mundësoi izolimin e flakëve.