Moti i keq vazhdon të godasë Italinë. Vala që goditi rajonin e Emilia Romagna deri më tani ka shkaktuar vdekjen e dy personave, ndërsa nuk dihet fati i katër të tjerëve.
Sipas informacioneve të deritanishme, dy të moshuarit që jetonin në ferma kanë vdekur, ndërsa të zhdukurit ndodhen në zonën e qytetit të Forlit.
Pjesa më e madhe e Emilia Romagna është përmbytur për shkak të lumenjve dhe degëve të tejmbushura. Lidhjet rrugore dhe hekurudhore janë ndërprerë, si dhe në shumë raste furnizimi me energji elektrike.
Komuna e Bolonjës ka bërë thirrje mëngjesin e sotëm të mërkurës me një mesazh të ri qytetarëve që të largohen nga dyqanet dhe banesat përdhese.
Siç raporton Agjencia e Lajmeve të Athinës, burra dhe gra të Mbrojtjes Civile dhe Zjarrfikësve italianë dhe nga rajone të tjera të vendit po përpiqen të arrijnë në zonat e prekura për të përballuar situatën në mënyrë sa më efikase. Pritet miratimi i mbështetjes financiare emergjente nga qeveria e Romës. Kjo valë e ashpër e motit të keq, sipas parashikimeve, do të fillojë të zbutet nga sonte.
