Ironia e Ramës për drejtuesit e PD-së në qarqe: Humbësa kronikë që do të vulosin fitoren në penxheren e katit të 8-të

Kryeministri Edi Rama, drejtuesit politikë të Partisë Demokratike të caktuar sipas qarqeve, i ka konsideruar si humbësa kronikë.

Në mbledhjen e sotme të Asamblesë Kombëtare të PS-së, Rama tha se ata janë njëri më humbës se tjetri, pasi shpallën fitoret e Lulit disa herë, tani do të vulosin fitoren në penxheren e katit të 8.

Rama flet në Asamble: Unë dhe figurat kryesore të PS-së, do të jemi në listën e hapur të kandidatëve për deputetë

Rama shpërthen për vrasjen e Egli Progës: Politika, media dhe prokuroria e Korçës, u mobilizuan të manipulojnë krimin e Pogradecit

Kryeministri, njëherazi kreu i PS-së, e krahasoi partinë që drejton me ekipin e basketbollit të Partizanit, të udhëhequr në fushë nga Gazmend Çaci.

“Ky ekipi i humbësave kronike që shpalosi pala tjetër të heq edhe dëshirën për garë. Pastaj këta bërtasin dhe thonë nuk fitohet për shkak të diktaturës së Ramës dhe PS. Në fakt kjo diktatura jonë është si ajo diktatura në fushë e Gaz Çaçit dhe ekipit të Partizanit të asaj kohe, ku edhe rezervat të ngjanin si yjë, ndërsa fusha dukej edhe më e vogël, ndërsa për ekipin e Partizanit edhe më e madhe”, tha Rama.

Dhe duke vijuar të bëjë krahasime, Kryeministri tha se ashtu si ata kampionët e dikurshëm të Partizanit, që nisnin stërvitjen një ditë pasi shpalleshin kampionë, edhe ne kështu kemi vepruar dhe do të veprojmë.

Ai tha se një brez më i ri, do të ketë më shumë vend se brezi i PS-së që ka qenë në 4 vitet e mëparshme.