Teksa një prej problemeve më të ngutshme për mbarë botën është kriza ushqimore, e imponuar nga Rusia me bllokadën e vendosur në Ukrainë, inteligjenca britanike pretendon se Putin kërkon të fajsojë Perëndimin për situatën e krijuar.
Ministria e Mbrojtjes e Mbretërisë së Bashkuar ka publikuar përditësimet më të fundit për situatën ushtarake në Ukrainë, duke bërë me dije se grupi Ëagner mund të ketë sukses në përparime taktike në disa zona të Donbasit.
“Kompania ushtarake private ruse Ëagner ka të ngjarë të ketë sukses të bëjë përparime taktike në Donbas rreth termocentralit Vuhlehirska dhe fshatit aty pranë të Novoluhanske. Disa forca ukrainase me gjasë janë tërhequr nga zona”, thotë ministria.
Më tej, informacioni i publikuar ka të bëjë me vizitën e ministrit të Jashtëm rus, Sergei Lavrov, në vendet afrikane.
“Rusia ka shumë të ngjarë të kërkojë të shfrytëzojë vizitat për të fajësuar Perëndimin për krizën ndërkombëtare të ushqimit dhe për të fituar mbështetjen e shteteve Afrikës që kanë mbetur neutrale në lidhje me pushtimin e Ukrainës nga Rusia”, bën me dije ministria.
