Një burrë 58-vjeçar u gjet i pajetë sot brenda një guve në fshatin Drizë të Kuçovës. Lajmin e konfirmuan autoritetet vendase.
Anëtarët e familjes kishin njoftuar policinë se ai ishte larguar nga shtëpia dy ditë më parë dhe nuk ishte rikthyer më. Ata raportuan zhdukjen e tij menjëherë pasi panë se nuk po kthehej.
Të lidhura
None found
Sipas të afërmve, 58-vjeçari vuante prej disa muajsh nga çrregullime të shëndetit mendor, çka i shtyu të kërkonin ndihmën e uniformave blu për ta gjetur sa më shpejt.
Forcat e rendit i përqendruan kërkimet në afërsi të Guvës në Drizë, aty ku banorë të zonës e kishin parë për herë të fundit teksa hynte. Pas një operacioni intensiv, trupi i tij u lokalizua në brendësi të shpellës. Policia bëri me dije se nuk kishte asnjë gjurmë dhune mbi viktimën dhe dyshimet paraprake flasin për vdekje nga mungesa e oksigjenit në ambientin e mbyllur.
Viktima është identifikuar si Gramoz Grymshi, banor i fshatit Drizë në bashkinë e Kuçovës. Trupi i pajetë u transportua në Morgun e Spitalit Rajonal të Beratit, ku do të kryhet ekspertiza mjeko-ligjore për të përcaktuar shkaqet e sakta të vdekjes.
