Janë zbardhur detaje të reja nga krimi i dyfishtë që tronditi Tiranën ku një çift përfundoi duke humbur jetën pas një sherri për xhelozi.
Burime nga grupi hetimor bëjnë me dije se, Kliton Pira ka debatuar përmes rrjeteve sociale me të dashurën e tij, 31-vjeçaren Jawsackie Jaboah. Për të sqaruar konfliktin e reja ka udhëtuar ditën e shtunë drejt Shqipërisë dhe në Rinas është pritur nga i dashuri i saj.
Më pas i janë drejtuar apartamentit që kishin marrë me qira atje ku ka ndodhur edhe konflikti që përfundoi në mënyre tragjike për dy të rinjtë. Pira pasi ka qëlluar disa herë me thikë 31-vjeçaren është hedhur nga ballkoni i katit të 8-të të pallatit që kishin marrë me qira duke humbur jetën.
Gjurmët e gjakut janë ende të dukshme në vendin ku ndodhi ngjarja e rëndë. Banorët e pallatit ku qëndroi çifti tregojnë për abc se si e mësuan ngjarjen, shkruan abcnews.
“Jemi shumë të stresuar, dëgjuam një zhurmë të madhe, na u tmerruan fëmijët”.
Kliton Pira që qëlloi për vdekje 31-vjeçareb jetonte në zonën e Laprakës në kryeqytet, ndërsa për disa vite kishte jetuar në Angli si emigrant i pa ligjshëm. /abcneës.al/
