Një aksident i rëndë ka ndodhur mbrëmjen e sotme në aksin rrugor Elbasan-Peqin. Mësohet se një mjet, me drejtues një 17-vjeçar pa patentë, ka përplasur për vdekje një shtetas që po lëvizte me biçikletë.
Policia ka mbërritur në vendngjarje për të zbardhur rrethanat e aksidentit.
Njoftimi i policisë:
Elbasan/ Informacion paraprak
Më datë 13.12.2022, në aksin rrugor Elbasan-Peqin, në fshatin Pajovë, shtetasi J. Gj., 17 vjeç, banues në fshatin Pajovë, duke drejtuar pa leje drejtimi automjetin tip “Benz”, ka aksidentuar, biçiklistin, shtetasin B. K., 73 vjeç, banues në fshatin Çengelaj,Peqin, i cili për pasojë ka ndërruar jetë.
Drejtuesi i automjetit është shoqëruar në Komisariatin e Policisë për veprime të mëtejshme.
Grupi hetimor ndodhet në vendngjarje dhe po punon për zbardhjen e plotë të rrethanave të aksidentit./albeu.com
