Hyrja e variantit “Delta” në Shqipëri, mjeku Kalo: Masat nuk e kanë humbur vlefshmërinë akoma, respektojini!

Mjeku i njohur infeksionist Tritan Kalo përmes një postimi në Facebook, u ka bërë apel qytetarëve të respektojnë masat e vendosjes së maskës, higjienës personale dhe distancimit social, aty ku janë të nevojshme, pasi nuk e kanë humbur vlefshmërinë akoma. Për më tepër tani që varianti “Delta” është konfirmuar edhe në vendin tonë.

Kalo gjithashtu bën apel që të vaksinoheni.

Postimi i Tritan Kalos:

Kohë kovidiane…. 26.07.2021…..NUK është kurrë vonë për t’u përkujdesur për shëndetin tuaj dhe të të gjithë atyre, të cilët gjallojnë rreth jush…..VETNDËRGJEGJËSIM dhe vetëm vetndërgjegësim….Hyrja e variantit “Delta” të virusit Sars-Cov2/Covid-19 është në vijimësi të qarkullimit nëpër botë, edhe të varianteve të tjera që prej atij të Ëuhan-it nga ishte pikënisja e kësaj Pandemije ose “flame mbarëbotërore”……Masat standarte të stërprovuara ndër dhjetra vite për uljen e vrullit dhe paksimin e humbjeve njerëzore, MHD (Maskë, Higjenë personale e kolektive, Distancim social) nuku e kanë humbur aspak vlefshmërinë e tyre KUR dhe aty KU është e mundur, që ato të zbatohen dhe respektohen…..NËSE mes nesh ka individë ose grupe individësh që ngurojnë të VAKSINOHEN kundër virusit Sars-Cov2/Covid-19, së paku MOS u bëni pengues për të tjerët, që ata/ato të përfitojnë nga dobiprurja e proçesit të vaksinimit, ulja e mundësisë së infektimit, kalimi i sëmundjes në forma më të lehta si dhe evitimi i hospitalizimeve në forma të rënda të sëmundjes, ose në më të keqen humbjen e jetës prej saj….Jeta e çdo Shqiptari është e paçmimtë për të, për familjen e tij dhe për të gjithë Shqiptarinë…..Në çdo kohë NE jemi për JU në vijën e parë të “luftës me armikun e padukshëm”, që me Punën, Përkushtimin, Profesionalizmin dhe Përkujdesjen tonë t’ju vimë në ndihmë në përballjen tuaj me infektimin nga virusi Sars-Cov2/Covid-19…..Javë të mbarë miq, kolegë, të afërm dhe bashkëatdhetarë….. Together forever!!./albeu.com

Shtuar 26.07.2021 09:23