Detaje të reja kanë dalë nga ngjarja e rëndë që u shënua mbrëmjen e sotme në në fshatin Karmë të Vaut të Dejës, ku dy persona humbën jetën pasi dyshohet se kanë rënë në kontakt me rrymën elektrike në ambientet e jashtme të një lokali bar-kafe.
40-vjeçari Sokol Preka, i cili punonte si roje në lokalin në fjalë, gjatë transportimit për në spital, ka humbu jetën si pasojë e kontaktit me energjinë elektrike.
Të lidhura
None found
Ndërkohë, 46-vjeçari, David Deda, edhe pse u transportua me urgjencë për në spital, ai nuk mundi që t’i mbjetojë plagëve të marra dhe ndërroi jetë. Ai është baba i një djali të mitur.
Po ashtu u raportua se Preka dhe Deda ishin duke rregulluar një instalim të brendshëm te një biznes privat anës rrugës së Komanit, në afërsi të rezervateve të peshkut, kur ranë në kontakt me energjinë elektrike.
“Në fshatin Karmë, shtetasi S. P., 40 vjeç, roje i një lokali bar-kafe, në pronësi të shtetasit Gj. S., dhe shtetasi D. D., 46 vjeç, elektricist, dyshohet se kanë rënë në kontakt me rrymën elektrike, në ambientet e jashtme të lokalit.
Si pasojë, shtetasi S. P. ka humbur jetën gjatë transportimit për në spital, ndërsa shtetasi D. D. ndodhet në gjendje të rëndë shëndetësore.
Grupi hetimor, nën drejtimin e Prokurorisë, po punon për sqarimin e plotë të rrethanave të ngjarjes”, njoftoi me herët policia.
