Moti ekstrem ka përfshirë prej ditësh vendin tonë, rajonin dhe Europën, ku temperaturat po arrojnë deri në 40 gradë.
Sipas Shërbimit Meteologjik ushtarak, depërtimi i Anticiklonit Afrikan do të sjellë masa ajrore të thata e të nxehta duke bërë që moti të jetë i kthjellët gjatë gjithë ditës dhe kohëzgjatja e orëve me diell e temperatura të larta të mbizotërojë në të gjithë territorin.
Në Tiranë, Gjirokastër, Shkodër dhe Berat temperaturat do të jenë 40 gradë, ndërsa në qytetet e tjera një ose dy gradë me pak.
Era do të fryjë me drejtim veriperëndim-verilindje me shpejtësi 1-6m/s, duke bërë që valëzimi në dete të jetë i forcës 1 ballë.
