Gjatë periudhës 1–30 gusht, në Pikën e Kalimit Kufitar Qafë Botë, janë evidentuar gjithsej 146.819 hyrje dhe dalje të shtetasve shqiptarë e të huaj.
Sipas statistikave të Komisariatit të Kufirit Sarandë, numri më i madh i lëvizjeve është regjistruar në dalje, ku kanë kaluar 76.758 persona. Ndërkohë, në hyrje janë evidentuar 70.061 shtetas.
Të lidhura
None found
Mes personave që hynë në territorin shqiptar, 64.709 ishin shtetas të huaj dhe 5.352 shqiptarë. Në drejtim të daljes, janë regjistruar 71.243 të huaj dhe 5.515 shtetas shqiptarë.
Shifrat dëshmojnë se gjatë sezonit veror lëvizjet në Qafë Botë janë dominuar nga turistët dhe vizitorët e huaj.
Një fluks i konsiderueshëm është shënuar edhe në Portin e Sarandës. Për periudhën 1–30 gusht 2025, aty janë regjistruar 150.715 hyrje dhe dalje.
Nga ky total, 72.643 shtetas kanë hyrë në vend, ndërsa 78.072 persona kanë dalë. Në hyrje janë numëruar 63.503 shtetas të huaj dhe 9.140 shqiptarë. Për sa u përket daljeve, statistikat tregojnë 68.987 të huaj dhe 9.085 shtetas shqiptarë.
