Në Guine ka ndodhur një grusht shteti.
Lajmin e ka bërë një njësi ushtarake vendase përmes një videoje të shpërndarë ku shprehen se kanë rrëzuar presidentin e vendit Alpha Conde.
Sipas zyrtarëve ushtarak, tani pushteti ndodhet në duart e tyre.
Një ushtar i paidentifikuar e i mbështjellë me flamurin e vendit dha një fjalim të shkurtër në transmetuesin kombëtar, Radio Televizioni Guinea. Ai rrëfeu se parlamenti dhe kushtetuta e vendit ishin pezulluar dhe kufijtë ishin mbyllur.
“Ne po marrim fatin në duart tona”, tha ai.
Sidoqoftë, ministria e mbrojtjes tha se një sulm ndaj pallatit presidencial nga forcat kryengritëse ishte ndalur.
“Garda presidenciale, e mbështetur nga forcat besnike dhe republikane të mbrojtjes dhe sigurisë, zmbrapsi grupin e sulmuesve,” thuhej në një deklaratë.
“Operacionet po vazhdojnë për të rivendosur rendin dhe paqen.”
Mamady Doumbouya, udhëheqësi i përpjekjes për grusht shteti, tha se elitat e kishin keqtrajtuar vendin dhe se do të kishte një periudhë tranzicioni 18-mujore./albeu.com
A la RTG, l’homme fort de la situation de la #Guinée, le Colonel Mamadi Doumbouya à la tête du Comité National pour le Rassemblement et le Développement-CNRD s’exprime ! pic.twitter.com/mAUMlwU5dx
— Abdoul karim DIALLO (@abkdiallo) September 5, 2021