Gjykata e Krujës ka caktuar ditën e sotme masën e sigurisë “arrest me burg” për një nga autorët e dyshuar të grabitjes së biznesmenit Nazmi Çangu në Nikël të Krujës.
Saimir Kuçi do të qëndrojë në burg pa afat.
Kujtojmë se biznesmeni u grabit më 24 nëntor, orët e para të mëngjesit. Dyshohet se autorët e vjedhjes ishin dy, të cilët hynë nga pjesa e pasme e banesës, duke prerë telat rrethues në dy vende të ndryshme.
Ata grabitën para dhe sende me vlerë të cilat arrinin vlerën e 120 mijë eurove.
Lexo po ashtu
Prokuroria e Krujës lëshoi fillimisht 4 urdhër-ndalimi, mes të cilëve edhe për Saimir Kuçi, lidhur me grabitjen dhe dhunimin e biznesmenit Nazmi Çangu.
Kuçi nuk është një emër i panjohur për policinë, pasi është arrestuar edhe më parë pikërisht për grabitjet dhe vjedhjen e disa kasafortave dhe bizneseve në Tiranë dhe qytetet të tjera të vendit./albeu.com
