Gjykata e Fierit ka rishikuar masat e sigurisë për tri vajzat e përfshira në ngjarjen e dhunimit të një 17-vjeçareje, rast që tërhoqi vëmendje të madhe në publik dhe shkaktoi reagime nga institucionet.
Për 19-vjeçaren është caktuar masa “arrest me burg” deri në përmbyllje të hetimeve. Një tjetër e dyshuar, 15 vjeçe, do të qëndrojë në “arrest shtëpie”.
Të lidhura
None found
Ndërkohë, e mitura tjetër e përfshirë në ngjarje është vendosur nën masën e mjekimit të detyruar, pasi gjatë hetimeve u konstatua se kishte probleme të shëndetit mendor, pas dhunimit të pretenduar edhe ndaj nënës së saj.
Ngjarja u bë e njohur publikisht pas shpërndarjes së pamjeve dhe reagimeve në rrjetet sociale. Sipas familjes së 17-vjeçares, ajo është dërguar fillimisht në Urgjencën e Spitalit Rajonal të Fierit me shenja të qarta dhune dhe hematoma në trup. Familjarët kanë ngritur pretendimin se institucioni shëndetësor nuk ka kryer njoftimin e menjëhershëm të organeve ligjzbatuese.
