Gjykata e Posaçme ka vendosur të zbusë masën e sigurisë ndaj ish-drejtorit të Bashkisë së Tiranës, Taulant Tushe, duke e kaluar nga “arrest në shtëpi” në “detyrim paraqitje”.
Taulant Tushe rezulton i përfshirë në çështjen e njohur si afera “5D”, bashkë me dy ish-drejtorë të tjerë, Redi Molla dhe Mariglen Qato.
Të lidhura
None found
Sipas SPAK, në kohën kur ushtronte detyrën e drejtorit të përgjithshëm të Drejtorisë së Planifikimit të Punëve Publike dhe njëherazi të anëtarit të KVO-së, Taulant Tusha, së bashku me anëtarët e tjerë Enton Punavija, Julian Zanaj dhe Albanon Janku, kanë favorizuar kompaninë 5D në 3 tendera të Bashkisë së Tiranës. Prokuroria argumenton se shoqërisë “5D Konstruksion” sh.p.k i janë krijuar avantazhe dhe privilegje të padrejta kundrejt operatorëve të tjerë ekonomikë pjesëmarrës në procedurat e prokurimit, duke u shpallur fituese në mënyrë të parregullt dhe në kundërshtim me rregullat e prokurimit publik.
