“Kriminelët më të famshëm shqiptarë fshhen në Venzezuelë”, është shprehur gazetari, Lavdrim Lita për Euronews Albania.
Ai ka thënë se shqiptarët më të kërkuar fshihen kryesisht në Venezuelë, vend me të cilin Shqipëria nuk ka marrëveshje ekstradimi.
Më tej ai është shprehur se mafia shqiptare është importuese vetë e sasive shumë të mëdha të lëndëve narkotike nga Amerika Latine pasi ka fituar besimin e Ndraghetas italiane dhe të furnitorëve të mëdhenj në Amerikën Latine.
“91 për qind e mallit që importohet nga Amerika Latine investohet në Evropë, në biznese, ndërtim apo argëtim. Mafia shqiptare është bërë importuese vetë në Itali, Spanjë apo Holandë duke arritur besueshmërinë tek Ndragheta me të cilën bashkëpunon apo edhe furnitorët e mëdhenj në Amerikën Latine. Shumë shqiptarë të kërkuar strehohen në Venezuelë, ose flenë në Venezuelë dhe ditën i ke në Ekuador apo vende të tjera se nuk kemi marrëveshje ekstradimi me Venezuelën”, tha Lita.
/albeu.com/
