Ditën e djeshme u shpërnda me bujë lajmi se 50 deputetë të Kuvendit të Shqipërisë kanë firmosur pro shkarkimit të Presidentit Meta.
Bashkë me lajmin u shpërnda edhe lista në të cilën rënditeshin emrat që janë pro shkarkimit të Metës bashkëngjitur edhe firmat e tyre.
Por ajo që su vu re nga media, ishte gafa në këtë listë ku shkruhet se kanë firmosur 50 deputetë.
Analisti Afrim Krasniqi ka kapur “gabimin teknik” apo “vendimin e qëllishëm” në këtë listë e cila në fakt ka 49 firma pro shkarkimit dhe jo 50.
Një lexim i kujdesshëm nxjerr në pah gabimin, ku nga numri rendor 14 kalohet tek numri rendor 16 duke “ngrënë” numrin 15 e si rrjedhojë edhe një deputet.
Rikujtojmë se maxhoranca është e bindur për shkarkimin e Presidentit Meta me cdo kusht duke përshpejtuar edhe formalitetet në këtë rast. /albeu.com/
