Një automjet është fundosur në rezervuarin e Çekrezës mëngjesin e sotëm.
Mësohet se makina është zhytur plotësisht në ujë në distancë 20 metra nga diga.
Sipas burimeve të policisë është kërkuar ndihma e ushtrisë për të bërë të mundur nxjerrjen e mjetit nga rezervuari.
Njoftimi i policisë
Më datë 17.06.2022, rreth orës 07:20, jemi njoftuar nga roja i sigurisë së rezervuarit në vendin e quajtur “Rezervuari i Çekrezës”, se kishte konstatuar një automjet të fundosur brenda këtij rezervuari.
Me marrjen e njoftimit, shërbimet e Policisë kanë shkuar mënjeherë në vendngjarje së bashku me shërbimet zjarrfikëse. Njëkohësisht drejt vendngjarjes janë nisur edhe polumbarët e Reneas, për të bërë të mundur nxjerrjen e automjetit nga rezervuari.
Grupi hetimor po punon për zbardhjen e plotë të rrethanave të ngjarjes./albeu.com
