Presidenti rus, Vladimir Putin, mori pjesë mbrëmjen e djeshme në meshën festive të Krishtlindjeve. Rusia dhe Ukraina festojnë Krishtlindjet më 6 janar, sipas kalendarit Julian.
Por siç duket edhe nga fotot e publikuara nga mediet ndërkombëtare, presidenti rus ka festuar Krishtlindjet në vetminë e tij, pasi në meshën festive është vetëm ai dhe priftërinjtë brenda një katedrale të Kremlinit.
Të lidhura
None found
Ai ka zgjedhur mos t’i bashkohet besimtarëve të tjerë në shërbesat publike. Agjencia ruse e lajmeve RIA raportoi se kjo është hera e parë që Putini feston Krishtlindjet në Moskë dhe jo në rajonin përreth kryeqytetit.
Televizioni shtetëror tregoi dy klipe të Putinit brenda Katedrales ndërsa priftërinjtë ortodoksë kryenin shërbimin e mesnatës, të njohur si Liturgjia Hyjnore.
Putini, i cili festoi Pashkët vitin e kaluar në katedrale me mijëra të tjerë, ndoqi edhe vetë Krishtlindjet vitin e kaluar në rezidencën e tij në Novo-Ogaryovo jashtë Moskës. Në vitin 2021, ai mori pjesë në një Liturgji Hyjnore publike në Novgorod./Albeu.com.
