Një vajzë 14-vjeçare është zhdukur ditën e sotme në qytetin e Vlorës.
Sipas familjarëve, e mitura është larguar nga shkolla pas një konflikti me një mësues lidhur me një notë dhe në gjendje të rënduar emocionale dhe pas përfundimit të mësimit nuk është kthyer në banesë.
Të lidhura
None found
Prej më shumë se 9 orësh, familja nuk ka arritur të kontaktojë me të, duke ngritur shqetësime serioze për vendndodhjen e saj.
Babai i vajzës është paraqitur në polici për të bërë kallëzim, ndërsa dyshohet se 14-vjeçarja mund të jetë nisur drejt Tiranës me furgonat e linjës.
Në njoftimin e publikuar nga familjarët thuhet:
“Kjo është Kaltra, 14 vjeçe. Sot është larguar nga shkolla pas një konflikti që ka pasur me një mësues për një notë.
Ka qenë në gjendje të rënduar emocionale dhe nuk ka vajtur në shtëpi pas mësimit.
Prej më shumë se 9 orësh familja nuk ka kontakt me të dhe janë të shqetësuar për vendndodhjen e vajzës. Nëse e keni parë, ju lutem na shkruani.”
Familjarët bëjnë thirrje qytetarëve që kushdo që ka informacion për vajzën të kontaktojë menjëherë policinë ose familjen.
