Një nga skenat më domethënëse të marshimit të madh qytetar në akset kryesore të Tiranës u regjistrua gjatë lëvizjes së protestuesve nëpër rrugët e kryeqytetit, ku u shfaq një akt me simbolikë të fortë kundër figurave kryesore të politikës shqiptare.
Në kuadër të këtij aksioni të organizuar, pjesëmarrësit në protestë morën me vete fotografi të përfaqësuesve të mazhorancës, por edhe të emrave të njohur të opozitës, duke i ngjitur ato mbi koshat e mbeturinave përgjatë itinerarit të marshimit.
Të lidhura
None found
Mesazhi i protestuesve ishte i drejtpërdrejtë dhe nuk përjashtonte asnjë nga personazhet që, sipas tyre, mishërojnë tranzicionin e stërzgjatur, korrupsionin dhe dështimet e njëpasnjëshme të sistemit në Shqipëri.
Në kazanët e mbeturinave të vendosur në zona të ndryshme të Tiranës janë parë fotografitë e kryeministrit Edi Rama, Belinda Ballukut, Taulant Ballës, si edhe të ish-kryeministrit Sali Berisha dhe deputetes Zegjine Çaushi.
