E ftuar në një emisionin televiziv, këngëtarja Evi Reçi, foli për lidhjen e saj me ish-banorin e Big Brother Vip, Kledi Hysa.
Ajo u shpreh se janë njohur nga shoqëria e përbashkët, ndërsa zbuloi dhe si e priti familja lajmin e lidhjes me të.
“ Na kanë prezantuar, shoqëri e përbashkët, pastaj filluam të flisnim në instagram, gjërat erdhën natyrshëm. Tani që flasim kemi një lidhje në distancë dhe për momentin është mirë kështu si është. Çdo 2-3 javë mundohemi të takohemi, sigurisht që jemi duke e testuar derisa të vi momenti të vendosim. Familja ime e priti shumë mirë, mami e kishte ndjekur në Big Brother dhe e pëlqeu menjëherë sapo e mori vesh për ne. Jemi mirë, qetë deri tani por nuk di të them se çdo vi më pas për momentin nuk kam asnjë plan “- tha Evi.
