Lidhur me këtë ngjarje, ka reaguar edhe NATO e cila e ka cilësuar si veprim të pamatur.

NATO thekson më tej se menjëherë interceptuan avionët rusë ndërsa shton se veprimi i Rusisë ishte i pamatur.

“Sot, disa avionë luftarakë rusë shkelën hapësirën ajrore të Estonisë. NATO reagoi menjëherë dhe interceptoi avionët rus.

Ky është një tjetër shembull i sjelljes së pamatur të Rusisë dhe aftësisë së Aleatëve për t’u përgjigjur.”-tha zëdhënësja e NATO-s, Allison Hart.

The post Rusia shkeli hapësirën ajrore të Estonisë, NATO: Reaguam menjëherë për veprimin e pamatur appeared first on Albeu.com.

Gjatë fjalës së tij në konferencën e përbashkët me presidentin Bajram Begaj, ai është shprehur se ajo që është me rëndësi të theksohet është rrugëtimi i Shqipërisë dhe i të gjithë rajonit në Bashkimin Evropian.

“Bota përreth ka ndryshuar dhe është në ndryshim. Vendi juaj ka arritur shumë dhe ka marrë hapa të rëndësishëm në integrimin evropian. Qoftë në rrugën e drejtësisë ose në politikën e BE-së. Ju nxis që të vijoni në këtë rrugëtim, dhe theksoj se Estonia është një mbështetëse e madhe për integrimin e Shqipërisë dhe të vendeve të Ballkanit Perëndimor dhe është e gatshme që të ndajë reformat kryesore. Reformat janë kryesore për zhvillimin e vendit, integrimi në BE i jep mundësi për zhvillim rajonal brenda vendit.

Kjo do të ndihmojë që të ndalë dhe të kthejë tharjen e trurit tek të rinjtë, edhe ne në estoni kemi pasur të njëjtin problem, përpos luftës në Ukrainë procesi i zgjerimit është rritur edhe më tej, por në bazë qëndrojnë kriteret shtetërore”, ka thënë presidenti i Estonisë.

Ndër të tjera ai ka theksuar se në këtë takim me Begaj, ka diskutuar edhe në lidhje me agresionin rus në Ukrainë, ku sipas tij është e rëndësishme që të rritet akoma më shumë vëmendja e ndërkombëtarëve në këtë vend.

The post Presidenti i Estonisë: Shqipëria ka bërë hapa të rëndësishëm në integrimin europian appeared first on Albeu.com.

Në një konferencë të përbashkët me Karis, Begaj tha se dy vendet tona janë sot më pranë se kurrë njëri-tjetrit. Ai gjithashtu falenderoi homologun e tij për mbështetjen e Estonisë në procesin e integrimit të vendit tonë drejt BE.

Kreu i shtetit ka shtuar se dy vendet tona i presin dekada të tëra bashkëpunimi.

Fjala e plotë:
Përshëndetje të gjithëve!
Është nder, të pres mikun tim Alar, Presidentin e një shteti partner, siç është Estonia.
Dy vendet tona, edhe pse ndodhen disa mijë kilometra larg gjeografikisht, janë sot më pranë se kurrë me njëri-tjetrin. Kjo dëshmohet me këtë vizitë të Presidentit, që është e para e një presidenti estonez në Shqipëri. Dëshmohet gjithashtu me të gjithë mbështetjen e Estonisë dhënë vendit tonë gjatë viteve të fundit.
E falënderova Presidentin e Estonisë, që na kanë qëndruar pranë dhe vazhdojnë të na gjenden pranë në procesin e integrimit në BE.
Integrimi në familjen e madhe evropiane është objektivi ynë madhor strategjik. Shqipëria mbajti vitin e kaluar Konferencën e Parë Ndërqeveritare me Bashkimin Evropian, falë mbështetjes edhe të Estonisë.
Jam besimplotë se këtë vit do të mbahet Konferenca e Dytë Ndërqeveritare, sërish edhe përmes përkrahjes tuaj.
Integrimi jo vetëm i Shqipërisë, por i të gjithë rajonit të Ballkanit Perëndimor në BE, do të ishte një garanci e jashtëzakonshme për një të ardhme të stabilizuar dhe të prosperuar të të gjithë rajonit.
Në këtë kuadër, vlerësova se Estonia ka luajtur dhe vazhdon të luaj rolin e saj mbështetës për një Ballkan Perëndimor më të stabilizuar dhe të zhvilluar. Kjo është shumë e rëndësishme, veçanërisht në kontekstin e ri gjeopolitik dhe në situatën e sigurisë globale ku ndodhemi sot.
U ndalëm në mënyrë të veçantë tek agresioni brutal dhe i pajustifikuar rus kundër Ukrainës, që solli në Evropë erërat e trazuara të një të djeshme që mendonim se e kishim lënë pas.

Shqipëria, që në krye të herës, e ka dënuar ashpër këtë agresion.
Nënvizova faktin se vizioni i NATO-s i treguar deri më tani në përballimin e kësaj situate dhe zgjerimi së fundmi i Aleancës me Finlandën, tregoi se jemi më të fortë se kurrë, më të bashkuar dhe më të vendosur se kurrë për të mbrojtur vlerat e saj.
Jam i bindur se kjo do të tregohet qartazi dhe me aderimin sa më të shpejtë të Suedisë si edhe në Samitin e NATO-s që do të mbahet shumë shpejt fare pranë Estonisë, në Vilnius, Lituani.
Doja gjithashtu të vija theksin tek pjesëmarrja e trupave tona në misionet e NATO-s në përgjithësi dhe në batalionin shumëkombësh të NATO-s në Letoni në veçanti, që reflektojnë më së miri rolin aktiv të Shqipërisë si shtet anëtar i NATO-s.
Mënyra se si do t’i përgjigjemi bashkarisht sfidave të sigurisë të tanishme, do të përcaktojë se si do të jetë e ardhmja për kontinentin tonë por edhe për botën në dekadat që do të vijnë. Ndaj më vjen mirë që me Presidentin e Estonisë ndamë të njëjtën qasje në mënyrën se si duhet të përballojmë këto sfida. Sfidat komplekse të sigurisë mund t’i përballojmë vetëm së bashku!
Gjatë takimit nënvizova se Shqipëria, ashtu sikundër edhe rajoni i Ballkanit Perëndimor, apo edhe vendet e Baltikut, janë të kërcënuara nga influencat e aktorëve të tretë keqdashës, që nuk ndajnë të njëjtat vlera me ne.
I shpreha mirënjohjen mikut tim për ndihmën shumëdimensionale që i kanë dhënë vendit tonë përgjatë viteve. Programet dhe projektet ku Estonia ka dhënë kontributin e saj në Shqipëri përfshin fushat që nga ajo e sigurisë apo sistemi gjyqësor, tek qeverisja elektronike. Estonia është vendi i parë në Bashkimin Evropian në ofrimin e shërbimeve në mënyrë elektronike, ndaj ne kemi shumë për të mësuar nga ju, dhe bashkëpunimi i mëtejshëm në këtë drejtim do të ishte i mirëpritur.
Duke u ndalur tek bashkëpunimi ekonomik nënvizova, se ekspertët dhe institucionet e të dy vendeve duhet të eksplorojnë më mirë të gjitha mundësitë e bashkëpunimit të mëtejshëm. Shpreha bindjen se hapësira ka pafund, veçanërisht në fushën e teknologjisë së informacionit, start-upeve, energjisë, kërkimin, inovacionin, edukimin, çështjet e biodiversitetit e kështu me radhë. Kuadri ligjor që kemi në fuqi për shmangien e tatimit të dyfishtë, e mundëson një gjë të tillë, edhe në fushën e turizmit.
Një tjetër dimension ku u ndalëm gjatë takimit tonë, dhe ku bashkëpunimi mes dy vendeve ka qenë mjaft i frytshëm, është edhe ai në kuadër të organizatave ndërkombëtare, ku në mënyrë të veçantë evidentova mbështetjen reciproke për në Këshillin e Sigurimit të Kombeve të Bashkuara.
Përshëndeta përkrahjen që Estonia i ka dhënë Kosovës, në rrugëtimin e saj euroatlantik, si dhe për anëtarësimin në organizatat ndërkombëtare. Kjo mbështetje është gjithashtu një tregues i qartë i vullnetit të Estonisë për të ndihmuar rajonin e Ballkanit Perëndimor të shohë nga e ardhmja.
Nënvizova me Presidentin se ngjarjet e ditëve të fundit në Kosovë, na kujtojnë edhe një tjetër herë rëndësinë që ka zbatimi sa më parë i marrëveshjes së dakordësuar publikisht në Bruksel dhe anekseve të saj në Ohër nga ana e Serbisë dhe Kosovës.
I nderuar zoti President,
Vizita juaj sot, është e para e një presidenti estonez, por jam i bindur se nuk do të jetë e fundit!
Teksa vitin e shkuar festuam 30 vite të vendosjes së marrëdhënieve dypalëshe, jam besimplotë se përpara na presin dekada shumë të frytshme bashkëpunimi!
Qëndrim sa më të mbarë në Shqipëri!

The post Begaj pret homologun estonez: Dy vendet tona i presin dekada të tëra bashkëpunimi appeared first on Albeu.com.

Ministria e Jashtme ruse deklaroi se ambasadorit të Estonisë do t’i kërkohet të largohet muajin e ardhshëm dhe se të dyja vendet do të përfaqësohen nga të ngarkuarit me punë të përkohshme në vend të ambasadorëve.

Estonia u përgjigj në mënyrë të ngjashme, me ministrin e Jashtëm, Urmas Reinsalu, që njoftoi se të dërguarit rus do t’i kërkohet të largohet deri më 7 shkurt.

Mosmarrëveshja diplomatike ndodhi pasi ministrat e jashtëm të BE-së u takuan në Bruksel për të diskutuar, mes tjerash, për agresionin e Rusisë kundër Ukrainës.

Tri vendet baltike kanë qenë të zëshme për të kërkuar sanksione më të ashpra për Rusinë, si dhe ndihmë më të mirë për Ukrainën.

Estonia, Letonia dhe fqinji i tyre baltik Lituania, kanë qenë pjesë e shteteve aleate në NATO që kanë insistuar fuqishëm që Gjermania të sigurojë tanke luftarake Leopard për të ndihmuar Ukrainën që t’i rezistojë pushtimit rus.

The post Estonia dhe Letonia kërkojnë largimin e ambasadorëve të Rusisë appeared first on Albeu.com.

Të dyja vendet janë anëtare të NATO-s dhe BE-së. Estonia, Letonia dhe fqinji i tyre baltik, Lituania, janë mes një grupi aleatësh të NATO-s që argumentojnë fuqishëm që Gjermania të dërgojë tanke “Leopard” për të ndihmuar Ukrainën në luftën kundër agresionit rus.

Ministria e Jashtme ruse tha se i kishte thënë të dërguarit të Estonisë se ai duhet të largohej muajin e ardhshëm dhe se dy vendet do të përfaqësoheshin në kryeqytetet e njëri-tjetrit nga një i ngarkuar me punë i përkohshëm në vend të një ambasadori.

Estonia u përgjigj në të njëjtën mënyrë, duke i thënë të dërguarit rus të largohej deri më 7 shkurt, tha Ministri i Punëve të Jashtme Urmas Reinsalu.

“Ne do të vazhdojmë të mbështesim Ukrainën ndërsa Rusia planifikon sulme në shkallë të gjerë dhe u bëjmë thirrje vendeve të tjera që kanë të njëjtin qëndrim që të rrisin ndihmën e tyre për Ukrainën,” tha zoti Reinsalu në një deklaratë.

Letonia, në solidaritet me Estoninë, i kërkoi të dërguarit të saj në Moskë të largohej deri më 27 shkurt, sipas një postimi në Twitter nga Ministri i Jashtëm Edgars Rinkevics.

Të dy vendet thanë se po ulin marrëdhëniet e tyre diplomatike me Rusinë në nivelin e të ngarkuarit me punë.

Lituania dëboi të dërguarin rus në prill dhe uli përfaqësimin diplomatik, pasi Ukraina akuzoi forcat ruse për vrasjen e civilëve në qytetin Bucha.

Moska tha se masa e së hënës ishte në përgjigje të një vendimi të Estonisë për të reduktuar ambasadën ruse në Talin.

“Vitet e fundit, udhëheqja estoneze ka shkatërruar qëllimisht të gjithë gamën e marrëdhënieve me Rusinë. Rusofobia totale, kultivimi i armiqësisë ndaj vendit tonë janë ngritur nga Talini në rangun e politikës shtetërore,” tha ai.

Duke komentuar uljen e marrëdhënieve, zëdhënësja e Ministrisë së Jashtme ruse Maria Zakharova tha: “Regjimi estonez ka marrë atë që meritonte.”

Estonia i tha Rusisë më 11 janar që të ulë numrin e diplomatëve në ambasadën e saj në Talin në tetë, ekuivalent me numrin e diplomatëve estonezë në Moskë.

Të tre vendet baltike iu bashkuan disa aleatëve të tjerë perëndimorë javën e kaluar duke rënë dakord të dërgojnë më shumë armëve në Ukrainë. /VOA

The post Vendet baltike dëbojnë ambasadorët rusë: Mbështesim Ukrainën! appeared first on Albeu.com.

Deklarata u miratua me 88 vota pro në legjislaturën 101-vendëshe të vendit. ku dhjetë deputetë munguan ndërsa tre abstenuan.

Në deklaratë thuhet se Parlamenti deklaron Rusinë një regjim terrorist dhe Federatën Ruse një vend që mbështet terrorizmin. Deklarata vjen pas thirrjeve të përsëritura nga presidenti ukrainas Volodymyr Zelenskyy.

“Regjimi i Presidentit rus Vladimir Putin, me kërcënimet e tij për sulm bërthamor, e ka kthyer Rusinë në rrezikun më të madh për paqen si në Evropë ashtu edhe në të gjithë botën”, thuhet në deklaratë.

Parlamenti në fqinjin e Estonisë, Letoni, e shpalli Rusinë një “shtetëror sponsor të terrorizmit” në gusht, duke akuzuar Moskën për “gjenocid të synuar kundër popullit ukrainas”.

Por administrata e presidentit amerikan Joe Biden muajin e kaluar tha se nuk do të përdorte terminologjinë, duke e quajtur këtë “rrugë jo më efektive apo më e fortë përpara”.

The post “Rrezik i madh për paqen në botë”, Estonia shpall Rusinë vend terrorist appeared first on Albeu.com.

“Kryeministrja Kaya Kalas njoftoi zyrtarisht qeverinë këtë mëngjes për vendimin e saj për të dhënë dorëheqjen me vullnetin e saj të lirë. E gjithë qeveria jep dorëheqjen me të”, thuhet në deklaratë.

Kalas thuhet se ka arritur të rivendosë një shumicë qeverisëse në parlamentin e Estonisë dhe javën e kaluar njoftoi se ia kishte dalë. Dorëheqja e saj është një faë e domosdoshme e procesit përkatës.

Ajo të premten do të paraqesë në parlament një kërkesë për krijimin e një qeverie të re, sipas një postimi në Twitter, me shpresën se do të jetë në gjendje të qëndrojë në krye të vendit. Njoftimi erdhi pasi partia e saj Reforma arriti një marrëveshje për ndarjen e pushtetit me dy parti më të vogla, Social Demokratët dhe Isamaa.

Shteti baltik është përballur me një krizë të kabinetit qeveritar që nga 3 qershori, kur koalicioni i Kallas me Partinë e Qendrës (Eesti Keskerakond, EK) u nda për shkak të shtytjes për të bërë të gjithë arsimin fillor vetëm në gjuhën estoneze – duke ndaluar përdorimin e gjuhës ruse në ish-republikën sovjetike.

Largimi i centristëve e la kryeministren Kallas me vetëm 34 vende në Parlamentin me 101 karrige, që do të thoshte se Social Demokratët dhe Isamaa mund të bënin një ujdi të vështirë për 9 dhe 12 vendet e tyre.

Kallas u bë kryeministre në janar të vitit 2021, pas dorëheqjes së kryeministrit Juri Ratas, pas një skandali. Ajo ka qenë një avokate e zëshme e sanksioneve anti-ruse për konfliktin në Ukrainë, duke i bërë thirrje BE-së të armatosë qeverinë e Kievit./albeu.com

I will form a new government. According to the constitution, I just announced that the current government will resign.

I’ve proposed to convene extraordinary parliament sitting on Friday, where I’ll ask for a mandate for the new government coalition.

? https://t.co/ASqE7zmaQT

— Kaja Kallas (@kajakallas) July 14, 2022

The post Kryeministrja e Estonisë jep dorëheqjen: Do formoj një qeveri të re appeared first on Albeu.com.

Shteti baltik, anëtar i aleancës së NATO-s, tha gjithashtu se stërvitjet e vazhdueshme ushtarake ruse po simulojnë sulme raketore kundër vendit të tij çdo ditë.

“Kjo është tabloja e kërcënimit. Si e shohim ne kërcënimin rus… Nuk ka qenë kurrë aq serioz sa është tani,” tha Kusti Salm, nëpunësi më i lartë civil në Ministrinë e Mbrojtjes të Estonisë, duke folur me gazetarët të martën.

Aktiviteti armiqësor u shfaq pasi Rusia është mbyllur në një shkëmbim të nxehtë me Lituaninë, një shtet tjetër baltik dhe kritik i ashpër i regjimit të Vladimir Putinit, lidhur me një vendim të Vilniusit për të bllokuar tranzitin me hekurudhë të mallrave të caktuara të sanksionuara në territorin rus të Kaliningradit.

Estonia tha se ka thirrur ambasadorin rus në Talin për të protestuar në rrugën e fluturimit të helikopterit të rojës kufitare MI-8, i cili tha se hyri në hapësirën ajrore të Estonisë për dy minuta pa leje të shtunën në mbrëmje.

Nëpunësi i lartë civil estonez tha: “Të kalosh kufirin me një helikopter nuk mund të jetë një gabim, ka pasur shembuj të shumtë në ditët e fundit. Krahas veprimeve kufitare ka pasur veprime provokuese që fluturojnë shumë afër kufirit në ditët e fundit. .”

Rusia po kryen gjithashtu stërvitje ushtarake që përfshijnë simulimin e sulmeve me raketa ndaj fqinjit të saj baltik. “Është jeta reale. Ata në fakt po simulojnë sulme me raketa kundër territorit të NATO-s dhe na bëjnë të ditur se po e bëjnë këtë,” tha Salm./albeu.com

The post “Kurrë kërcënimi nuk ka qenë aq serioz”, Estonia akuzon Rusinë për shkelje të hapësirës ajrore appeared first on Albeu.com.

Parlamenti evropian ka miratuar një rezolutë dhe i quan krimet e luftës së Rusisë dhe agresionin në Ukrainë si gjenocid.

Gjithashtu Estonia i ka bërë thirrje vendeve të tjera që të bëjnë të njëjtën gjë, shkruan The Kyiv Independent./albeu.com

The post Estonia, vendi i parë që cilëson zyrtarisht krimet e Rusisë në Ukrainë si gjenocid appeared first on Albeu.com.

Pas Estonisë pritet që edhe vende të tjera baltike, Lituania dhe Letonia të ndërmarrin të njëjtin hap.

Lajmin e bëri të ditur në një deklaratë për mediat ministri lituanez i Transportit, Marius Skuodis.

Kryeministrja estoneze Kaja Kallas përmes një postimi në Twitter u bëri thirrje të gjitha vendeve të tjera të BE-së që të ndjekin shembullin e tyre.

“Nuk ka vend për aeroplanët e shtetit agresor në qiejt demokratikë”, shkruan ajo.

Ndërkohë kujtojmë që deri më tani Polonia, Bullgaria dhe Republika Çeke kanë vendosur ndalimet e hapësirës ajroje për linjat ruse.

Ndërkohë që me 24 ditën kur Rusia sulmoi Ukrainën, Britania e Madhe ndaloi linjën ajrore kombëtare ruse Aeroflot të ateronte në Britani./albeu.com/

#Estonia is banning Russian airlines from our airspace. We invite all EU countries to do the same. There is no place for planes of the agressor state in democratic skies. #StandWithUkraine

— Kaja Kallas (@kajakallas) February 26, 2022

The post “Goditja” Rusisë këtë radhë i vjen nga Estonia appeared first on Albeu.com.