Pasditen e së premtes, erërat e forta që goditën qytetin e Gjirokastrës shkaktuan rrëzimin e disa pemëve në lagjen Granicë dhe në zonën e Viroit, duke sjellë bllokim të përkohshëm të qarkullimit në disa segmente rrugore.
Drejtoria e Mbrojtjes nga Zjarri dhe Shpëtimit (MZSH) Gjirokastër njoftoi se ekipet ndërhyjnë menjëherë në të dyja zonat për të larguar pemët e rrëzuara dhe për të rikthyer lëvizjen normale të automjeteve.
Të lidhura
None found
Sipas autoriteteve, nga këto incidente nuk pati të lënduar dhe as dëme materiale. Vështirësia e vetme e krijuar ishte ndërprerja e përkohshme e qarkullimit, ndërsa pas veprimeve të shërbimeve situata iu kthye normalitetit.
Shërbimet u bëjnë apel qytetarëve të tregojnë kujdes gjatë lëvizjes në kushte të motit të paqëndrueshëm dhe të shmangin qëndrimin pranë pemëve apo objekteve që mund të rrezikohen nga era e fortë.
