Ka ndërruar jetë në spital, Enver Sheshi, i arrestuar për aferën e inceneratorëve.
Sheshi i cili po vuante dënimin në burgun 313 në kryeqytet, ka ndërruar jetë në Qendrën Spitalore Universitare të Tiranës.
Të lidhura
None found
Dyshohet se 59-vjeçari ka pësuar arrest kardiak. Ai është transportuar me urgjencë drejt spitalit por nuk ka mundur të mbijetojë.
Lidhja e Sheshit me aferën e inceratorëve.
Afera e inceneratorëve është cilësuar si një nga skandalet më të mëdha korruptive në vend. Sa i takon atij të Fierit, arrestimi më i bujshëm ka qenë i ish-deputetit socialist Alqi Bllako. Gjithashtu në pranga kanë rënë dhe sipërmarrës, ndërsa bosët e inceneratorëve duke filluar nga Klodian Zoto, Mirel Mërtiri e Stela Gugallja, mbeten në arrati.
Nga hetimet e SPAK për inceneratorin e Fierit, është zbuluar se nga buxheti i shtetit janë përfituar të paktën 4 milionë euro për punë të pakryera.
Klodian Zoto, aksioner kryesor i shoqërisë koncesionare për inceneratorin e Fierit, i shpallur në kërkim në bashkëpunim me administratorin, Arenc Myrtezani kanë deklaruar situata të falsifikuara për të justifikuar shpenzimet.
Në këtë skemë del edhe Arben Dervishaj, zv.president i FSHF, i vënë në pranga nga policia, pasi në cilësinë e mbikëqyrësit të punimeve ka miratuar punimet fiktive, shërbimet që nuk janë kryer dhe pajisjet që nuk janë realizuar.
Hetimi i SPAK ka zbuluar se zyrtari i Federatës Shqiptare të futbollit ka përfituar para në mënyrë të parregullt nga Klodian Zoto edhe për udhëtime, akomodime dhe për të parë ndeshje në Itali.
8 kompani të tjera për përfaqësuesit e të cilëve SPAK ka marrë miratimin e gjykatës për t’i dërguar në burg, kanë bashkëpunuar me Klodian Zoton për të vënë në jetë një skemë mashtrimi në lidhje me tatimin mbi vlerën e shtuar.
Nga hetimi ka rezultuar se nga kreditimi i TVSH-së, bërë nëpërmjet faturimeve fiktive, Regan Merdani, Gentian Zifla, Enver Sheshi, Robert Shabani i kanë shkaktuar dëm ekonomik buxhetit të shtetit, në vlerën 59,915,020 (pesëdhjetë e nëntë milion e nëntëqind e pesëmbëdhjetë mijë e njëzet) lekë./albeu.com
