EMRAT/ Tragjedia në Korçë, vajza dyshohet se humbi jetën nga një atak kardiak, nëna e paralizuar ndërroi jetë më pas

Një tragjedi ka ndodhur ditën e sotme në qytetin e Korçës, ku nënë dhe bijë janë gjetur pajetë brenda në banesën e tyre.

Mësohet se kanë ndërruar jetë Eleni Vangjeli 75-vjeçe dhe vajza e saj Ornela Vangjeli 54-vjeç.

Ndërruan jetë 4 ditë më parë, nënë e bijë nuk iu përgjigjën në telefon të afërmve, djali i të ndjerës erdhi nga Greqia

Ngjarje e rëndë në Korçë, nënë e bijë gjenden të vdekura në banesë

Dyshimet janë që kanë ndërruar jetë prej ditës së dielë, kur kanë humbur kontaktet me familjarët.

Vajza mund të ketë pësuar atak, ndërsa nëna ka vdekur pas saj. Edhe në pamundësi për të lëvizur, dhe për shkak të mungesës së ilaçeve në banesë.

Njoftimi i policisë:

Më datë 01.02.2024, rreth orës 16:42, në lagjen nr. 17, Korçë, në banesë, janë gjetur pa jetë, pa shenja dhune shtetaset E. V., 75 vjeçe dhe vajza e saj O. V., 54 vjeçe. Nga të dhënat e para, rezulton se këto shtetase nuk ju ishin përgjigjur në telefon familjarëve të tyre, prej disa ditësh.

Dera e banesës së tyre është hapur nga shërbimet e zjarrfikësve, pasi ishte e kyçur nga brenda. Paraprakisht dyshohet se këto dy shtetase mund të kenë humbur jetë për shkaqe natyrale.

Grupi hetimor po punon për përcaktimin e shkaqeve të humbjes së jetës së këtyre shtetaseve dhe sqarimin e rrethanave të ngjarjes.