Volodymyr Zelensky është fotografuar me gruan Olena për herë të parë që kur Rusia pushtoi Ukrainën tre muaj më parë. Çifti mori pjesë sot në funeralin e presidentit të parë të vendit në Kiev.
Familja Zelenskly dukej e qetë por e rraskapitur ndërsa ecnin së bashku për të vendosur lule mbi arkivol.
Leonid Kravchuk, ishte Presidenti i parë që udhëhoqi një Ukrainë të pavarur pas rënies së Bashkimit Sovjetik në 1991. Ai vdiq në fundjavë, në moshën 88-vjeçare, pas një “sëmundjeje të gjatë”.
I veshur krejt me të zeza në vend të jeshiles ushtarake, Zelensky ecte pranë gruas së tij, gishtat e së cilës ishin mbledhur grusht, sikur t’i rezistonte dëshirës për t’i kapur dorën.
Atyre iu bashkuan personalitete të tjera, duke përfshirë kryetarin e bashkisë së Kievit, Vitaly Klitschko, teksa funerali u zhvillua në Shtëpinë e Ukrainës të martën, në një qytet që ende përpiqet “të shërohet” nga përpjekja e Rusisë për të pushtuar qytetin.
Takimi I tyre vjen një muaj pasi Olena zbuloi se ka folur vetëm në telefon me bashkëshortin e saj që nga shpërthimi i luftës, nga frika se bashkimi me të në kryeqytetin ukrainas do ta rrezikonte atë dhe dy fëmijët e tyre të vegjël të vriteshin./albeu.com
