Një reper në Shtetet e Bashkuara është vrarë brutalisht me armë zjarri.
Reperi i njohur, Rollie Bands, u qëllua në Florida, jashtë banesës së tij në Tampa vetëm pesë minuta pasi ai ndau një postim në Instagram duke i nxitur rivalët e tij të përballeshin me të.
Bands u qëllua në parkingun e IQ Apartments në bulevardin Bruce B Doëns në Tampa të premten pasdite. Ai u dërgua me urgjencë në spital, por më pas ndërroi jetë nga plagët e marra.
Të shtënat ndodhën rreth orës 15:30 – vetëm pak minuta pasi Bands thuhet se postoi në rrjetet sociale me një sfidë për rivalët e tij që të vinin përballë tij, shkruan DailyMail.
“Shumë nga këta e dinë se ku jetoj në ”, ka postuar reperi në InstaStory, sipas HipHopDX. ‘Unë fle në paqe. Nëse doni ta ndizni një jam në shtëpi për 5 minuta”, kishte shkruar ai.
Pasi u tall me rivalët e tij, reperi më pas dha vendndodhjen e tij. Pesë minuta më vonë, ai u qëllua për vdekje në vendin e saktë që tha se do të ishte.
Deputetët e Zyrës së Sherifit të Qarkut Hillsborough thanë se morën një raport për një njeri që u qëllua në parkingun e kompleksit të apartamenteve.
Kur mbërritën, Bands ishte në tokë me një plagë me armë zjarri. Të dyshuarit, të cilët janë larguar nga vendi i ngjarjes në drejtim të panjohur, mbeten në arrati.
Deputetët e Zyrës së Sherifit të Qarkut Hillsborough thanë se besohet se të dyshuarit i njihnin dhe kishin në shënjestër Rollie Bands.
“Për momentin, të shtënat nuk duken të rastësishme, pasi të dyshuarit dhe viktima ndoshta janë të njohur me njëri-tjetrin”, tha në raport Zyra e Sherifit të Qarkut Hillsborough.
Bands, i cili ka lindur dhe është rritur në Tampa, është i njohur për këngët e tij “Struggle”, “Reminiscin” dhe “Close Ties”.
Bands thuhet se i ka lënë pas një vajzë të vogël, duke shpërndarë një foto të fëmijës në profilin e tij në Instagram me mbishkrimin: “I vetmi person për të cilin jetoj”.
Si mbështetësit ashtu edhe rivalët e reperit kanë vërshuar në llogaritë e tij në rrjetet sociale me komente për vdekjen e tij.
Mediat sociale kanë çuar në vrasje të shumta gjatë viteve, duke përfshirë vrasjen e Pop Smoke pasi ai zbuloi aksidentalisht adresën e tij në internet.
Reperi, emri i vërtetë i të cilit është Bashar Barakah Jackson, u vra nga ndërhyrës në një shtëpi në Hollyëood Hills në shkurt 2020.
Disa orë para të shtënave, Pop Smoke kishte shpërndarë një video në rrjetet sociale e cila zbulonte adresën e saktë të shtëpisë.
Ndërkaq autoritetet janë ende duke hetuar të shtënat e Rollie Bands dhe kanë vazhduar kërkimin për të dyshuarit.
