Një qytetar nga Kosova është plagosur me thikë këtë mbrëmje në zonën e Kunes në Shëngjin.
Ngjarja ka ndodhur rreth orës 21:20, ndërsa i plagosuri është Selim Bllaca 59 vjeç, i cili është nisur drejt spitalit në gjendje të rëndë.
Të lidhura
None found
Ai pritet t’i nënshtrohet operacionit pasi ka marrë plagë të rënda.
Policia ka vepruar në kohë duke arrestuar autorin e dyshuar të ngjarjes. Sipas autoriteteve, i arrestuari është 66-vjeçari Hazir Berisha.
Njoftimi:
Plagosi me thikë një 59-vjeçar pas një konfliki të çastit, falë reagimit në kohë të shërbimeve të Policisë,identifikohet dhe vihet në pranga autori i dyshuar.
Rreth orës 21:00, në Shëngjin, pas një konflikti të çastit, shtetasi kosovar H. B. 66 vjeç, ka plagosur me thikë shtetasin S. B. 59 vjeç, banues po në Kosovë.
I dëmtuari është dërguar në Spitalin Rajonal Lezhë, për t’iu nënshtruar ndërhyrjes kirurgjikale.
Falë veprimeve të shpejta hetimore operacionale, nga shërbimet e Komisariatit të Policisë Lezhë u bë e mundur kapja dhe arrestimi i 66-vjeçarit, si autor i dyshuar si dhe sekuestrimi në cilësinë e provës materiale i armës së ftohtë ( thikës) e dyshuar e përdorur nga autori.
Vijojnë veprimet hetimore nga grupi hetimor për zbardhjen e plotë të rrethanave të ngjarjes dhe dokumentimin ligjor të saj.
