Milani ka mposhtur 0-3 Juven duke i rrëmbyer zonën Champions.
Kuqezinjtë e mbyllën pjesën e parë në avantazh me supergolin e Diaz.
Edhe në 45 minutat e dytë nuk mungoi spektakli, pasi u humb një penallti e u shënuan edhe një gol tjetër.
Ishte minuta e 58-të, kur Rossonerët dështuan nga pika e bardhë, e që përgjegjësinë e kishte Franck Kessie.
Por, fati sonte ishte në anën e Milanit, që ia arriti të shënonte edhe golin e dytë me anë të Ante Rebic në minutën e 78-të, nga një asistim i Ismail Bennacer.
Në listën e realizatorëve u fut edhe Fikayo Tomori, që shënoi për 3-0 në minutën e 82-të me një asistim prej Hakan Calhanoglut.
Pas javës së 35-të, Milani mabn në vendin e 3 me 72 pikë, aq sa ka edhe Atalanta e cila mban vendi e dytë, ndërsa Juventusi ka mbetur jashtë zonës Champions 69 pikë, 1 pikë karg vendit të 4 që mbahet nga Napoli. /albeu.com/
