Ditën e sotme Ardi Veliu ka dorëzuar zyrtarisht detyrën e tij si Drejtor i Përgjithshëm i Policisë së Shtetit. Gjatë një ceremonie të shkurtër, Veliu ka mbajtur fjalën e fundit në këtë pozicion duke ia kaluar stafetën Gledis Nanos, i sapo emëruar zyrtarisht nga Ministri Çuçi.
Ardi Veliu: Policia e Shtetit është shumë më e mirë se ç’ishte dje. Ndihem i privilegjuar që e mbajta këtë detyrë për katër vite. Dua të falenderoj kryeministrin Edi Rama për mbështetjen që më është dhënë dhe tr eish-ministrat e Brenshshëm.
Edhe Ministrin aktual sepse siç jua thashë, Policia e Shtetit është shumë më e mirë se dje pavarësisht se të qorruarit për rritjen e çmimit të kanabisit kërkojnë që të hedhin baltë mbi të, mbi 12 mijë punonjës policie.
Dua të falenderoj bashkëshorten dhe dy fëmijët e mi që ma kanë bërë shumë të lehtë këtë punë.
Rikujtojmë se ardi Veliu i cili mbajti këtë pozicion të rëndësishëm dha dorëheqjen e tij vetëm pak ditë para afatit të vendosur nga Rama, me arsyetimin se kërkon të kalojë mëshumë kohë me familjen dhe fëmijët e tij.
Dorëheqja e tij u publikua nga vetë kryeministri Rama pas shumë orësh aludimi në media, se Ardi Veliu ishte shkarkuar si Drejtor i Përgjitshëm i Policisë së Shtetit. /albeu.com/