Sekretari i Përgjithshëm i NATO-s, Jens Stoltenberg, tha se barra e luftës në Ukrainë ndahet mirë mes aleatëve të Amerikës së Veriut dhe atyre evropianë.
Kur u pyet në lidhje me komentet e fundit të këshilltarit të sigurisë kombëtare të SHBA-së, Jake Sullivan, që sugjeronin se amerikanët meritojnë njëfarë mirënjohjeje për mbështetjen e madhe që i është dhënë Ukrainës, Stoltenberg theksoi se të gjithë aleatët e NATO-s janë rritur në aspektin e mbështetjes ekonomike dhe ushtarake.
“Aleatët evropianë dhe Kanadaja gjithashtu janë rritur me të vërtetë. Ata po ofrojnë mbështetje prej dhjetëra miliarda dollarë amerikanë”, tha Stoltenberg për Melissa Bell të CNN në margjinat e samitit të NATO-s në Vilnius, Lituani.
“Pra, në fakt, ndarja e barrës midis Amerikës së Veriut dhe Evropës nuk është aq e keqe.”
Stoltenberg tha gjithashtu se shifrat e reja treguan rritjen më të madhe në shpenzimet e mbrojtjes për dekada, si në Evropë ashtu edhe në Kanada, të cilat ai i quajti “një rezultat të drejtpërdrejtë” të luftës në Ukrainë.
“Realiteti është se NATO-ja është më e bashkuar tani sesa për shumë e shumë vite, sepse ne përballemi me kërcënimin e pasojave të pushtimit brutal të Ukrainës nga Rusia”, tha Stoltenberg.
“Kjo e ka bashkuar aleancën. Na ka bërë edhe më të vendosur.”
Sekretari i përgjithshëm pranoi gjithashtu kërkesat për mbështetje shtesë ushtarake të bëra nga presidenti ukrainas Volodymyr Zelensky.
“Unë e kuptoj plotësisht se presidenti Zelensky po kërkon sa më shumë që të jetë e mundur dhe për këtë arsye është gjithashtu i lumtur që ai, në të vërtetë në këtë sami, gjithashtu mirëpriti vendimet që morëm për të rritur mbështetjen tonë”, tha Stoltenberg.
Përveç paketave të reja të mbështetjes ushtarake, Stoltenberg vuri në dukje se aleatët e NATO-s përdorën gjithashtu samitin në Vilnius për të deklaruar se “e ardhmja e Ukrainës është në NATO”./Albeu.com/
