Dy turistë të mbetur të bllokuar në Kanionet e Gjipesë janë shpëtuar këtë të shtunë, pasi gjatë lëvizjes në terrenin e vështirë njëri prej tyre kishte pësuar thyerje në këmbë.
Pas ndërhyrjes së ekipeve të shpëtimit, i dëmtuari u transportua me barrelë jashtë kanionit dhe më pas u nis drejt Spitalit të Himarës për të marrë ndihmën e nevojshme mjekësore.
Të lidhura
None found
Në këtë operacion u angazhuan shërbimet zjarrfikëse të Himarës, Komisariati i Policisë Himarë, forcat e Policisë Kufitare të Dhërmiut dhe ekipi i Urgjencës së Spitalit të Himarës, të cilët bashkërenduan veprimet për ta mbyllur me sukses ndërhyrjen në një zonë me akses të kufizuar dhe terren të thyer.
Ngjarje të ngjashme janë regjistruar edhe më herët në Kanionin e Gjipesë, për shkak të relievit të vështirë dhe hyrjes së kufizuar në atë zonë.
