Protestat në Shqipëri kundër një projekti për të ngritur një resort luksoz në një zonë bregdetare të mbrojtur janë vënë në qendër të vëmendjes nga France 24. Sipas mediumit, ky projekt lidhet me emrat e Ivanka Trump dhe bashkëshortit të saj Jared Kushner, vajzës dhe dhëndrit të ish-presidentit amerikan Donald Trump.
Sipas raportimit francez, lëvizja e rezistencës ka vijuar qysh nga java e fundit e majit, duke u kthyer në një shprehje të fuqishme të revoltës ndaj mënyrës se si qeveria administron transparencën dhe hapësirat natyrore të mbrojtura.
Të lidhura
None found
Një zë të rëndësishëm kësaj proteste ia ka dhënë ylli i muzikës botërore, Dua Lipa. Gjatë një episodi të podcastit të saj Service95 Book Club, në një dialog me shkrimtaren shqiptare Lea Ypi, ajo u shpreh se ndan të njëjtin merak me qytetarët e mbledhur në rrugë. “Ajo që vërtet më trazon është mundësia që ekzekutivi të prekë legjislacionin për të zhveshur një zonë nga siguria mjedisore, pa kaluar fare përmes një procesi diskutimi qytetar”, theksoi ajo, duke shtuar se kjo nuk është thjesht një betejë për një ndërtim, por një sinjal i një problemi të thellë strukturor që kërkon një model zhvillimi në favor të komunitetit.
Artikulli i France 24 sjell detaje se planet për këtë hotel u publikuan fillimisht në vitin 2024, por vala më e nxehtë e reagimeve erdhi kur në plazhe panë dritën rrethimet me tela gjemborë dhe buldozerët, pikërisht në ditët e fundit të muajit maj. Zemërimi ndaj kësaj nisme është zgjeruar tashmë, duke u shndërruar në një arenë më të gjerë kundërshtie ndaj korrupsionit, ku thirrjet për largimin e kryeministrit Edi Rama janë bërë pjesë e sloganëve të përditshëm.
Deklaratat e këngëtares 30-vjeçare, me origjinë nga Kosova, u përshëndetën nga aktivistja mjedisore Besjana Gurri. Ajo i konsideroi fjalët e Lipës si një “mesazh impaktues” për autoritetet shqiptare, duke u shprehur e bindur se ky mbështetje do t’i japë një jehonë të fuqishme ndërkombëtare kësaj lufte dhe do t’i zmadhojë zërat e protestuesve që çdo ditë zbresin në Tiranë.
