Droga e kapur nga DEA në Maqedoni hyri nga Shqipëria, ja emri i zyrtarit të policisë që u arrestua

Policia, në bashkëpunim edhe me Agjencinë Amerikane në luftën kundër narkotikëve DEA, në një operacion anti drogë në rrugën Pletvar-kavadar rreth orës 14 ka sekuestruar 500 kilogram marijuahanë.

Mësohet se droga në vend ka hyrë nga Shqipëria, ndërsa në treg marijuhana e sekuestruar kap vlerën e mbi 800 mijë eurove.

Në aksionin i cili po vijon akoma në disa qytete, Prilep, Manastir, Rosoman e Kavadar Alsat-M mëson se është ar restuar edhe kryeshefi i policisë në Prilep, Miki Sporovski.

Nga Ministria e Punëve të Brendshme njoftuan se detaje për aksionin disa ditor do të jepen gjatë ditës së nesërme.

Shtuar 9.04.2021 09:04