Bislim Ahmetaj ka dhënë dorëheqjen nga drejtimi i Grupimit të Dhjetorit.
Përmes një deklarate për shtyp, Ahmetaj thekson se pas vendimit nuk fshihet asnjë arsye personale.
Ai ka vendosur të dorëhiqet në mënyrë që t’i hapet rruga një gare dhe një sfide të re.
Ahmetaj: Fatkeqsisht sot 90% e pushteteve janë moniste dhe kontrollohen rrezptësisht nga Edi Rama, njëlloj siç i kontrollonte diktatori i fundit komunist në janar të vitit 1991.
Si atëherë edhe tani ka shpresë, është rritur besimi tek opozita e vendit. Tashmë ajo ekziston dhe është rikthyer më demokratike se asnjëherë tjetër.
PD-ja sot është më e vendosur, më e qartë, më demokratike se kurrë më parë në këtë dekadë të fundit. Unë e kam drejtuar me përkushtim dhe dinjitet prej vitesh këtë bashkësi idealistësh.
Unë kam vendosur të dorëhiqem dhe të mos kandidoj më për kryetar të grupimit të viteve ’90. Këtë vendim nuk e kam marrë për asnjë arsye personale pasi kjo periudhë është një prej kohëve të mija që më bën krenar, më jep dinjitet dhe forcë. Vendimi im është marrë që ti hap rrugën një gare dhe sfide të re. Dua që miqtë dhe bashkëpuntorët e mi ndër vit ta çojnë më tej vepritarinë e grupimeve të viteve ’90./Albeu.com/
