Tre përfaqësues nga Maqedonia e Veriut, deputeti dhe koordinatori i grupit parlamentar të VLEN-it Bekim Qoku, deputeti Adnan Azizi dhe zëvendëssekretari i përgjithshëm i Qeverisë, Hasim Murtezani, kanë deklaruar se sot u është refuzuar hyrja në Shqipëri.
Megjithatë, burime nga pika kufitare e Qafë-Thanës në anën shqiptare i thanë Euronews Albania se nuk është regjistruar asnjë incident dhe asnjë ndalim për hyrje drejt territorit shqiptar për këta tre zyrtarë nga Maqedonia e Veriut.
Të lidhura
None found
Sipas zyrtarëve të kufirit dhe migracionit në juglindje të Shqipërisë, ata udhëtonin së bashku me një shtetas të katërt, i cili kishte probleme me pasaportën dhe për këtë arsye nuk mund të hynte në Republikën e Shqipërisë.
Reagimi saktëson se tre zyrtarët e tjerë kishin mundësi të kalonin pa asnjë pengesë, por zgjodhën të ktheheshin dhe të mos e kalonin kufirin.
