Digjet makina e policit në Pogradec

Makina e një efektivi policie në Pogradec është përfshirë nga flakët në orët e para të mëngjesit të sotëm, 12 tetor.

Mësohet se mjeti ishte i parkuar në momentin kur është përfshirë nga flakët.

Sipas të dhënave paraprake dyshohet për ngjarje aksidentale, megjithatë policia po vijon hetimet për sqarimin e ngjarjes.

Zjarri është fikur nga forcat e MZSH, duke shpëtuar edhe dy makina të tjera që ishin parkuar pranë mjetit në flakë.

/albeu.com