Prokuroria ka kërkuar dhe 35 vite burg për ish-bashkëshorten e 41-vjeçarit, Dhurata Saliaj.

Organi i akuzës pretendon se Dhurata Saliaj ka qenë bashkëpunëtore në  vrasje. Ajo ishte në proces divorci me viktimën që nga nëntori i vitit 2020.

Rezulton sipas prokurorisë se Mexhit Picari dhe vajza e tij në harkun kohor të 20 minuta kanë vëzhguar lëvizjet e viktimës dhe avokatit përpara se Picari të ulej në të njëjtin lokal me ta dhe të qëllonte me 5 plumba Kudret Saliajn.

Fakti që ata kanë vëzhguar lëvizjet e viktimës dhe avokatit ngre dyshime të forta sipas prokurorisë se e kishin paramenduar vrasjen. J

Në momentin që babë e bijë janë siguruar se Kudret Saliaj dhe avokati janë ulur në lokalin ku ndodhi ngjarja janë ulur dhe ata dhe sapo kanë porositur kafen, Picari është afruar dhe ka qëlluar Saliajn duke i shkaktuar vdekjen, ndërsa avokati mbeti i plagosur./albeu.com

The post Vrau ish-dhëndrin, Prokuroria kërkon burg përjetë për Mexhit Picarin, 35 vite për të bijën appeared first on Albeu.com.

Enjo Saliaj, 20 vjeç u përplas për vdekje mbrëmjen e djeshme në zonën e Freskut, teksa ishte duke lëvizur me motor.

Por kush është Enjo Saliaj

Enjo Saliaj është i biri i Kudret Saliajt, i cili u ekzekutua nga ish-vjehrri, Mexhit Picari afro dy vite më parë, më 4 qershor të 202i-it. Kudreti u vra në lokalin pranë gjykatës, ku kishte shkuar për të zgjedhur martesën me ish-bashkëshorten Dhurata Saliaj.

Dhurata Saliaj është dënuar gjithashtu me burgim, pasi akuzohet se ka bashkëpunuar me të atin për të vrarë burrin.
Çifti kanë tre fëmijë.
Pas arretsimit të Dhuratës dhe vrasjes së Kudretit, kujdestarinë e tre fëmijëve jetimë e mori xhaxhai I tyre.

Pas vdekjes së 20-vjeçarit motra dhe vëllai i tij jetimë kanë një sfidë tjetër, atë të humbje së vëllait të madh.

Si ndodhi vrasja e Kudret Saliajt

Viktima i mbërriti në një lokal pranë gjykatës së Tiranës, ku priste të zhvillohej seanca e radhës për divorcin dhe ndodhej në praninë e avokatit të tij si dhe një punonjëseje sociale.Vjehrri i tij Mexhit Picari pasi e vëzhgoi bashkë me të bijën Dhurata Saliaj, e qëlloi për vdekje dhëndrin, në ngjarje mbeti i plagosur edhe avokati Adriatik Cami.
Prokuroria tha se babë e bijë organizuan në bashkëpunim krimin e rëndë. Enjo Saliaj ka qenë dëshmitari i vrasjes së të atit. Ai ka përjetuar momente tmerri, kur gjyshi i tij i vrau para syve babanë. Sipas dëshmitarëve, pas krimit, djali bërtiste me të madhe “baba baba”.

Çfarë kanë dëshmuar fëmijët e çiftit për zënkat e prindërve

Fëmijët kanë pohuar në Prokurori se nëna e tyre Dhurata i dhunonte fizikisht pasi kishte marrëdhënie jashtëmartesore.

Vajza e mitur e çiftit Saliaj në deklaratën e saj ka theksuar se nëna e saj atë dhe vëllain e vogël herë pas here i dhunonte fizikisht dhe i kërcënonte se nëse do i thoshin babait do i hidhte nga ballkoni.

Gjykata kishte urdhëruar që tre fëmijët të rrinin me babanë, por e ëma kundërshtonte. Viktima më herët kishte dorëzuar një urdhër mbrojtje ku thoshte se i rrezikohej jeta dhe se ishte goditur me sende të forta nga ish vjehrri, por kërkesa e tij ishte refuzuar. Jo zyrtarisht u tha se autori kishte qenë një ish polic burgjesh.

Çifti kishin më shumë se 17 vite të martuar dhe problemet mes tyre kishin përfunduar në dyert e gjykatës shtatorin e 2020-ës, pasi fillimisht familjarët e viktimës e kishin akuzuar Dhuratën për dhunë fizike dhe psikologjike në familje. Dy familjet e çiftit i kishin shtëpitë shumë pranë njëri-tjetrit./albeu.com/

The post Drama në familjen Saliaj, vëllai i madh u vra në aksident, babai u ekzekutua nga gjyshi, mamaja në burg, motër e vëlla mbeten jetimë appeared first on Albeu.com.

Ka qenë viktima Kudret Saliaj, ai që rreth orës 11:36 të së premtes së datës 4 qershor ka hyrë i pari në lokalin pranë gjykatës, ku ndodhi krimi dhe është ulur në tavolinën ku ndodhej avokati i tij, Adriatik Cama.

Gjatë kësaj kohe Mexhit Picari dhe Dhurata Saliaj kanë këqyrur lëvizjet e Kudret Saliajt. Ata kanë hyrë në 11:52 në lokal dhe janë ulur në një tavolinë tjetër.

48 sekonda më vonë Dhurata Saliaj që ishte me shpinë nga viktima, është ngritur dhe i ka afruar babait një çantë dore dhe më pas i ati ka nxjerrë armën dhe ka qëlluar ish-dhëndrin duke i shkaktuar vdekjen e menjëhershme si dhe ka plagosur avokatin Cama.

Më herët Gjykata dha masën e sigurisë “arrest me burg” për Mexhit Picarin dhe vajzën e tij Dhurata Saliaj. Ata akuzohen për veprën penale penale të vrasjes së kryer në rrethana cilësuese.

The post Pamjet që fundosën babë e bijë, momenti kur Dhurata i jep armën në dorë Mexhitit (FOTO LAJM) appeared first on Albeu.com.

Ish-bashkëshortja e viktimës nuk ka pranuar të kishte dijeni për krimin e kryer nga i ati i saj, teksa ka kërkuar mëshirë nga gjykata.

“Nuk e dija ç’do bënte babai. Nuk do e lejoja kurrë babain ta vriste Kudretin”, është shprehur Dhurata Saliaj para togave të zeza këtë të martë.

“Kërkoj mëshirë, kam 3 fëmijë për të rritur”, vijoi ajo, teksa në nisje të seancës gjyqësore, u shfaq me kokën ulur të cilën e fshihte pas supeve të babait, që të mos e fiksonin kamerat e mediave.

Gjithashtu, babai i saj, Mexhit Picari mësohet se ka kërkuar falje për krimin në gjyq, ndërsa e ka përjashtuar të bijën e tij, Dhuratën nga çdo përfshirje në këtë ngjarje.

“Pistoletën e kisha në brez, nuk e mora në çantën e vajzës. Kërkoj ndjesë për çfarë kam bërë, i kërkoj falje nipërve dhe mbesave, Dhurata nuk ka pasur dijeni”, mësohet se ka deklaruar autori kryesor i krimit.

The post Bashkëpunëtore në vrasjen e ish-burrit? Dhurata Saliaj: Nuk e dija ç’do bënte babai, kërkoj mëshirë appeared first on Albeu.com.

Sipas Lalës, Picari dhe vajza e tij kishin planifikuar vrasjen deri në detaje, ndërsa viktima e ka parandjerë rrezikun dhe ka mbajtur larg djalin e tij.

Klodiana Lala: Kanë dalë të dy së bashku nga banesa në Vorë. Me qëllim për vrasjen. Pamjet filmike tregojnë se kanë dalë bashkë. E ka pasur vetë ajo kameran. Kanë kontrolluar të dy edhe brenda Gjykatës për të gjetur Kudretin. Ato e kanë gjetur avokatin por nuk kanë kryer asnjë veprim kundër tij. Ka ardhur edhe punonjësja sociale, Anila Trifoni.

Do të shikonte kushtet e banesës së viktimës për të jetuar fëmijët. Në këtë moment ulen paralel. Kudreti i ka parë dhe i ka marrë në telefon të birin duke i thënë: Baba mos hyr këtu se është edhe pala tjetër dhe nuk duam që të kemi konflikte. Djali ishte në një ambient tjetër. Nuk e ka lejuar.

Ka qendruar me kushëririn e babait të tij në një lokal ngjitur. Në 48 sekonda, Dhurata ngrihet, e kap çantën dhe i afrohet. Dhurata ka vënë kapuç mbi kokë dhe është larguar me taksi. Në taksi ka marrë të atin dhe i ka thënë: Babi, ndërro rrobat se po vij unë. Mexhit Picari thotë se ishte i vetëm. Thotë se e Kudreti e kishte ofenduar prandaj e kishte qëlluar.

The post U vra nga ish-gruaja e ish-vjehrri, telefonata e fundit e Kudret Saliaj: Babi, mos u afro këtu! appeared first on Albeu.com.

Sipas gazetarit, ai ndodhet në burg pasi ka kryer marrëdhënie seksuale me një të mitur.

“Fëmijët kanë deklaruar kundër nënës dhe jo kundër babait të tyre. Mexhit Picari e ka agravuar situatën duke vijuar me kërcënime. Vëllai i Dhurata Picarit, djali i Mexhitit është në burg për abuzim seksual me të mitur. Është dënuar me 6 vite burg.

Me këtë familje që ka tre anëtarë në burg nuk di nga t’ja nisësh e nga t’ia bitisësh. Nuk është rasti i parë që Dhunata e ka dhunuar burrin,”-tha ai. /tch

The post Vranë Kudret Saliajn para gjykatës, gazetari: Vëllai i Dhuratës i dënuar me 6 vite burg appeared first on Albeu.com.

“Goca ka qenë në punë deri në ditën e fundit. I ka thyer brinjët duke i qëlluar me grushte. E kanë mbajtur 10 veta, e 10 veta me një, je e vdekur. Ka qenë djali i vetë, djali i kunatit, vjehrri. E kanë rrahur se ka pasur “dashnor”. Llogarite të ndash një nënë me tre kalamaj. Kur fëmijët kanë kërkuar nënën, i kanë thënë që iu ka vdekur.

Unë këtë gjë që është e papritur, nuk e kam ditur që do të ndodhi. Kudreti thoshte se do të na vriste. Thoshte: kjo ku*** më ka nxirë jetën. Fëmijët i thoshin të ëmës “o k****, ti ke tradhëtuar babin tonë”. Policia rrahu burrin tim, kur e arrestoi. Aty më ra të fikët,”-tha ajo.

Ngjarja e rëndë ndodhi 3 ditë më parë në një lokal pranë Gjykatës së Tiranës, ku Mexhit Picari qëlloi për vdekje dhëndrin e tij, Kudret Saliaj dhe plagosi avokatin e tij, Adriatik Camajn. Ky i fundit fatmirësisht është jashtë rrezikut për jetën, ndërsa ngjarja ka ndodhur në mes të ditës në një nga zonat më të frekuentuara të Tiranës.

Autori dhe e bija, janë të dy pas hekurave, pasi akuzohen për vrasjen e Saliajt. Prokuroria pritet të kërkojë sot në gjykatën Penale të Tiranës masën e sigurimit “arrest me burg”. Dhurata Saliaj, vajza e Mexhit Picarit u arrestua disa orë pas vrasjes, me akuzën e bashkëpunimit në vrasjen e bashkëshortit të saj, me të cilin ishte në proces divorci.

The post Vajza e burri në burg për vrasje, Manushaqe Picari: Fëmijët i thonin “o kur*ë”, ke tradhtuar babin! appeared first on Albeu.com.

Djali i mitur i Dhurata Saliajt dhe Kudrejt Saliajt, akuzon nënë e tij se e dhunonte për arsye se ai ka zbuluar se ajo i shkruante dikujt mesazhe dashurie.

“Mamaja nuk sillet mirë me mua, më godet dhe më ka thënë do të vras do të mbys me litar. kam parë disa mesazhe që ajo i dërgon personave të ndryshëm ku i shkruante ‘o zemra ime, te dua shumë, kur do të takohemi’ dhe për këtë ajo sillet ashpër me mua”, ka deklaruar para gjykatës djali i mitur.

The post Mami me thoshte “do të mbys me litar”, djali i çiftit Saliaj: E pashë që i shkruante dikujt “zemër të dua” appeared first on Albeu.com.

Në një prononcim për Faxnews, kushëriri i Saliajt ka treguar se Mexhit Picari dhe ish-bashkëshortja e viktimës kanë shkuar në banesën e tyre dhe kanë mohuar që ai të ketë ushtruar dhunë ndaj Dhuratës.

Ai është shprehur se nuk ka asgjë për të ndarë me publikun për familjarët e Kudretit dhe se sfida e tyre më e madhe është qëndrimi pranë fëmijëve të mitur, të cilët janë traumatizuar. Sa i përket deklaratave tëish-miqve të shtëpisë, i afërmi pretendon se janë mashtrime, e për këtë thotë se faktet ndodhen në dosjet e prokurorisë.

“Të merret dosja në prokurori. Ajo është e dënuar për dhunë në familje. Ka akuza të tjera të cilat nuk janë shqyrtuar nga prokuroria. Ka vendime të gjykatave. 3 fëmijët ndodhen në banesën ku jetonte Kudreti.

Janë të pavërteta deklaratat e tyre (Mexhitit dhe bashkëshortes). Ditën para vrasjes na kanë ardhur në banesë, Kudreti jo vetëm nuk e ka sulmuar dhe dhunuar atë, por ka kërkuar mbrojtje prej saj. Ka kërkuar forma të ndryshme për ta larguar. Goca 9 vjeç djemtë 12 dhe 16 vjeç janë të traumatizuar. Ne nuk na duhet dalja para mediave, ajo që është bërë është bërë, çfarë zgjidh dalja jonë?

Pesha më e madhe jona janë fëmijët tani, Kudretin e përcollëm të shkretin, kujdesi ndaj tyre. Ata le të dalin në media, s’di ç’të them për ta, ne i kërkojmë drejtësisë të japë drejtësi. Pretendimi i saj se është dhunuar nga Kudreti e apo shenjat që ka treguar, s’është e vërtetë. E dimë ne dhe e di edhe ajo e prokuroria kush ia ka bërë shenjat asaj. Janë historira të vjetra. Pyeteni avokatin që u plagos, ai e njeh dosjen”, tha kushëriri i Kudretit.

The post Vrasja para gjykatës, flasim të afërmit e Kudretit: Ajo ishte e dhunshme, donim t’a largonim me çdo kusht appeared first on Albeu.com.

Për këtë krim të dyfishtë janë arrestuar ish-vjehrri i viktimës Mexhit Picari dhe bashkëshortja e 41-vjeçarit Dhurata Saliaj..

Përse prokuroria e akuzon si bashkëpunëtore në vrasje Dhurata Saliajn?

Vetëm pak minuta më parë Prokuroria e Tiranës dorëzoi në gjykatë kërkesën për masë sigurie për babë e bijë të cilët akuzohen se në bashkëpunim me njeri-tjetrin vranë Kudret Saliajn dhe plagosën avokatin. Prokurori Braho ka kërkuar arrest me burg për Mexhit Picarin dhe vajzën e tij Dhurata Saliajn e cila ishte në proces divorci me viktimën që nga nëntori i vitit të kaluar. Rezulton sipas prokurorisë se Mexhit Picari dhe vajza e tij që duhet të ishte në arrest shtëpie për dhunë në familje, në harkun kohor të 20 minuta kanë vëzhguar lëvizjet e viktimës dhe avokatit përpara se Picari të ulej në të njëjtin lokal me ta para se të qëllonte me 5 plumba Kudret Saliajn. Fakti që ata kanë vëzhguar lëvizjet e viktimës dhe avokatit ngre dyshime të forta se e kishin paramenduar vrasjen. Janë sekuestruar pamjet e kamerave të sigurisë ku duken lëvizjet e avokatit dhe viktimës. në momentin që babë e bijë janë siguruar se janë ulur në lokalin ku ndodhi ngjarja janë ulur dhe ata dhe sapo kanë porositur Picari është afruar dhe ka qëlluar Saliajn.

Çfarë ka deklaruar avokati?

Avokati ndodhet në Spitalin e Traumës, për sa kohë që nuk i është nënshtruar një ndërhyrjeje kirurgjikale dhe duhet të presë 2 javë. Plumbin e ka në anën e djathtë të gjoksit. Nuk ka dhënë një dëshmi të detajuar, por lidhur me momentin e ngjarjes ka folur për disa detaje të rëndësishme. Ai ka thënë se në momentin që është ulur me Saliajn, ka ardhur dhe psikologia e caktuar nga gjykata për të bërë një raport për çiftin. Unë po e lexoja këtë raport psikologjik për fëmijët dhe kam dëgjuar plumbat. Kur kam parë Kudret Saliaj i vrarë dhe psikologes i ka rënë të fikët.

Vetëm një ditë para ngjarjes së rëndë ka pasur një debat të ashpër mes palëve. Debate që ishin bërë të shpeshta për shkak se Dhurata Saliaj ndodhej në arrest shtëpie, por ajo ishte urdhëruar nga gjykata t’i takonte fëmijët vetëm të shtunën në praninë e psikologes. Mexhit Picari nga ana tjetër deklaronte se ish-dhëndri e kërcënonte.

Po djali 16 vjeçar i çiftit?

Djali i madh do të deklaronte para gjykatës së me cilin nga prindërit do të qëndronte. Nuk ka qenë i pranishëm, është gjendur në një lokal pranë atij ku ka ndodhur ngjarja me një kushëri të viktimës. Ai është afruar pas ngjarjes por nuk e ka lejuar policia. 16-vjeçari ka deklaruar se nëna e tij ushtronte dhunë ndaj tij dhe motrës e vëllait më të vegjël. Ka folur për marrëdhënie të tensionuara me gjyshin dhe dajën e tij. Por ai do të ripyetet nga oficerët e Policisë Gjyqësore dhe konfliktet në familje mes prindërve të tij që nga 2013 dhe që kishin kulmuar në 2020.

Çfarë deklarojnë babë e bijë Mexhit Picari dhe Dhurata Saliaj?

Dëshmitë e Mexhit Picarit dhe vajzës së tij kanë qenë kontradiktore, megjithëse babai deklaronte se ishte kërcënuar, por nuk ka deklaruar se në lokal ndodhej me vajzën dhe ka thënë se Kudret Saliaj e ka fyer, ai ka thënë se vendosa të mbush pistoletën një TT sovjetike dhe të qëlloj ndaj tij.

Vajza ka deklaruar se ishte ftuar nga gjykata për të marrë pjesë në seancën gjyqësore. Në një moment hymë në lokal dhe pamë Kudretin dhe babai e qëlloi.

Një fakt që sipas hetuesve tregon se janë të pasinqertë dhe se kanë bashkëpunuar për vrasjen e Kudret Saliajt, shkruan BW.

Prokuroria ka dhe një detaj tjetër të pasqaruar, nëse ka pasur shënjestër vetëm ish-dhëndrin apo edhe avokatin Adriatik Cama, i cili e mbronte.

The post Detajet e reja, si u planifikua nga gruaja e vjehrri vrasja e Kudret Saliajt në Gjykatë appeared first on Albeu.com.