Policia në Durrës ka vënë në pranga 4 shtetas dhe ka proceduar penalisht në gjendje të lirë dy të tjerë për vepra të ndryshme penale. Duke filluar nga dhuna ndaj prindërve, sherre për motive të dobëta dhe mesazhe ofenduese ndaj bashkëshortes.
Njoftimi i policisë:
Vihen në pranga 4 shtetas dhe procedohen në gjendje të lirë 2 të tjerë, për vepra të ndryshme penale.
Specialistët për Hetimin e Narkotikëve në DVP Durrës arrestuan në flagrancë B. A., 23 vjeç, banues në Sallmone, Shijak, pasi gjatë kontrollit të ushtruar nga shërbimet e Policisë, në mjetin në pronësi të tij, u gjetën dhe u sekuestruan një sasi lënde e dyshuar narkotike cannabis sativa dhe një përforcues grushti.
Specialistët për Hetimin e Krimit në Komisariatin e Policisë Krujë arrestuan në flagrancë për veprat penale “Dhuna në familje” dhe “Pengime për ekzekutimin e vendimeve të gjykatës”, shtetasin I. D., 36 vjeç, banues në Luz, Krujë, pasi ka ka shkelur urdhrin e mbrojtjes të caktuar nga Gjykata, për bashkëshorten e tij, dhe i ka dërguar asaj mesazhe ofenduese.
Specialistët për Hetimin e Krimit në Komisariatin e Policisë Durrës arrestuan në flagrancë shtetasin J. D., 21 vjeç dhe proceduan në gjendje të lirë shtetasit V. D., 27 vjeç dhe A. P., 31 vjeç, pasi gjatë një konflikti për motive të dobëta, kanë goditur njëri-tjetrin me sende të forta. Gjatë kontrollit fizik, shtetasit J. D. iu gjet dhe iu sekuestrua një armë e ftohtë (përforcues grushti).
Po nga këto shërbime u arrestua në flagrancë shtetasi M. M., 31 vjeç, banues në Durrës, pasi ka ushtruar dhunë psikologjike ndaj prindërve të tij.
Gjithashtu u bë shpallja në kërkim e shtetasit G. D., 28 vjeç, banues në Durrës, sepse gjatë një konflikti për motive të dobëta, ka goditur me grusht shtetasin F. M., i cili ndodhet në spital, nën kujdesin e mjekëve. Punohet për kapjen e shtetasit G. D.
Materialet i kaluan Prokurorisë, për veprime të mëtejshme.
