Qindra qytetarë janë bashkuar sot në një tubim përpara Ministrisë së Arsimit, pas dhunës barbare të një vajze 3-vjeçare në kopshtin “Stinët” në Tiranë.
Me pankarta në duar, gra, nëna dhe fëmijë kanë kërkuar arrestimin e edukatores që dyshohet se i theu këmbën vajzës së mitur.
“Si mund të ndodhë kjo, a kontrollohen këta njerëz, a kanë certifikatë, a kanë licencë. Është e tmerrshme”, është shprehur një qytetare.
“Reagimi i institucioneve është shumë keq. Ajo duhet të jetë në burg, unë jam gjyshe, do të protestojmë gjithmonë”, ka thënë një tjetër pjesëmarrëse në protestë.
Sakaq, Prokuroria e Tiranës ka kërkuar masën arrest në burg për edukatoren si dhe ka udhëruar sekuestrimin e pamjeve filmike.
