“Cilësia e puros nga 10-300 euro”, Dashnor Sula rrëfen si tymoset në Kuvend

Deputeti Dashnor Sula ka reaguar lidhur me deklaratat e tij, ku u shpreh se deputetët në Kuvendin e Shqipërisë konsumojnë puro dhe marijuhanë.

Këto deklarata u kaluan me debate brenda Kuvendit dhe u kundërshtuan nga disa deputetë të tjerë të parlamentit.

I pyetur nga Vaka, Sula sqaron si qëndron e vërteta e asaj deklarate. Ai shprehet që puro ka një aromë të fortë dhe aty pihet në cilësi të ndryshme nga 10€ deri në 300€.

“Pirja e puros ka një aromë të tmerrshme, të fortë sepse varet nga lloji i puros. Aty ka deputetë që janë me pagën e vet por edhe deputetë dhe ministra që kanë përfitime të mëdha. Kështu që dhe cilësia e puros është nga 10€ deri në 300€ një puro. Nuk e di sa kushtojnë sepse nuk kam bërë kontroll por fakti është që në ambientet e parlamentit shkelet ligji, pihet duhan dhe puro”, është shprehur Sula./abcnews.al/