Edukimi pozitiv është një nga parimet e prindërimit të atashuar, bazuar kryesisht në respektin dhe ndjeshmërinë e ndërsjellë. Qëllimi kryesor është vendosja e kufijve për fëmijët në një mënyrë pozitive, me qëllim të vetë-caktimit dhe vetërregullimit.
Pyetja e parë që gjithmonë duhet t’i bëjmë vetes në çdo moment krize është: “Si do të dëshironim që prindërit tanë të na trajtojnë?”.
Kështu që, automatikisht kemi ardhur në pjesën ku flasim për të mesmen e artë, informon albeu.com.
Fëmijët kanë nevojë për respekt dhe dashuri për t’u zhvilluar si duhet, dhe kjo mund të arrihet përmes komunikimit të duhur. Është e rëndësishme që fëmija ynë të mos ketë frikë nga ne, por të na besojë dhe të jetë në gjendje të ndajë me ne çdo gjë që e shqetëson, për të ndjerë gjithmonë se na ka pranë dhe jo kundër tij.
Edukimi pozitiv është një metodë e zhvilluar nga psikiatrit vjenez Alfred Adler dhe Rudolf Dreikus që përdor udhëzimin pozitiv si një mjet kryesor. Ai bazohet më shumë në të mësuarit sesi të sillemi përmes një shembulli pozitiv, dhe të përqendrohemi çdo herë në atë që mund të bëjmë për të korrigjuar një gabim në vend që të ndëshkojmë një veprim. Sipas edukimit pozitiv, ne përforcojmë sjelljet e mira të fëmijës në çdo mundësi, i inkurajojmë dhe vlerësojmë, duke njohur çdo përpjekje të tyre, informon albeu.com.
Studimet tregojnë se përmes edukimit pozitiv, prindi mund të përmirësojë sjelljen e fëmijës, zhvillimin emocional, shëndetin mendor dhe performancën akademike, të përmirësojë marrëdhëniet prind-fëmijë, të rrisë ndjenjën e optimizmit të fëmijës dhe të rrisë ndjenjën e mirëqenies së fëmijës./albeu.com
