Mbi 45 mijë hektarë tokë janë shkrumbuar nga një zjarr i madh që ka shpërthyer në Ores, pranë Zaragozës, në verilindje të Spanjës. Autoritetet vlerësojnë se situata mund të vihet nën kontroll pas disa ditësh.
Të lidhura
None found
Përfaqësuesi i qeverisë rajonale të Aragonës, Roberto Bermúdez de Castro, deklaroi se zjarri paraqet karakteristika të ndërlikuara. Sipas tij, ndërhyrja për shuarjen e flakëve dhe garantimi i sigurisë përgjatë perimetrit pritet të zgjasin disa ditë.
Për shkak të rrezikut, shumë fshatra janë evakuuar dhe disa akse rrugore janë mbyllur për mbrojtjen e banorëve. Deri tani nuk është raportuar asnjë viktimë nga autoritetet.
Kryeministri spanjoll Pedro Sánchez reagoi në platformën X, duke njoftuar se po ndjek nga afër situatën. Ai u kërkoi qytetarëve të tregojnë kujdes të lartë dhe të zbatojnë udhëzimet e autoriteteve.
Zjarri vjen vetëm pak ditë pas një tjetër fatkeqësie të rëndë në Spanjë. Më 9 korrik, një zjarr pyjor në Andaluzi u mori jetën 13 personave dhe përfshiu rreth 70 mijë hektarë tokë.
