Jugperëndimi i Turqisë po digjet, por nga verilindja e vendit mbërrin një lajm i pazakontë.
Reshje te dendura bore u regjistruan në dy qytete turke, duke befasuar si banorët vendas, ashtu edhe turistët që ndodheshin aty.
Të lidhura
None found
Në fillim të muajit korrik, një shtresë dëbore ka mbuluar zonat e larta malore të këtyre qyteteve, duke krijuar një pamje të pazakontë dhe të mahnitshme natyrore.
Nga sa pohojnë ekspertë vendas të metereologjisë, temperaturat aty kishin rënë ndjeshëm duke i dhënë natyrës një pamje tipike dimërore, e cila është shumë e rrallë për këtë periudhë të vitit.
Fenomeni i dëborës në muajin korrik ka shkaktuar habi dhe entuziazëm, ndërsa pamjet u përhapen menjëherë ë rrjetet sociale dhe mediat vendase dhe ndërkombëtare.
Turistët e pranishëm në zonë kanë shfrytëzuar mundësinë për të bërë fotografi dhe për të përjetuar këtë ngjarje të rrallë.
Autoritetet lokale i kanë paralajmëruar qytetarët për mundësinë e vazhdimit të ndryshimeve të papritura të temperaturave në rajon, duke i këshilluar ata të jenë të përgatitur për mot të ftohtë dhe reshje të mëtejshme, pavarësisht se jemi në stinën e nxehtë.
Në perëndim të Turqisë sakaq vazhdojnë zjarret që kanë shkaktuar vdekjen e dy njerëzve, shpërnguljen e dhjetëra mijëra banorëve dhe dëmtimin e rreth 200 banesave.
Zjarret thuhet të jenë shkaktuar nga temperaturat e larta, erërat e forta dhe lagështia e ulët.
