Një shpërthim i regjistruar në një depo municionesh në provincën qendrore turke Kirikkale u ka marrë jetën dy personave dhe ka lënë të plagosur edhe dy të tjerë.
Sipas të dhënave paraprake, ngjarja ka ndodhur në lagjen Yahsiyan të Kirikkale, brenda një strukture ku po zhvilloheshin punime kërkimore dhe zhvillimore. Ende nuk dihen shkaqet që çuan në incident, ndërsa autoritetet turke kanë nisur menjëherë hetimet për të sqaruar rrethanat.
Të lidhura
None found
Si rezultat i shpërthimit, dy punëtorë vdiqën në vendngjarje, ndërsa dy të tjerë pësuan lëndime dhe morën ndihmën e nevojshme mjekësore.
Deri tani, autoritetet nuk kanë bërë publike hollësi të tjera lidhur me natyrën e punimeve që po kryheshin në objekt apo me arsyet që shkaktuan shpërthimin. Hetimet janë ende në vijim dhe në orët e ardhshme pritet të ketë më shumë informacion për këtë ngjarje tragjike.
