Presidenti i Shteteve të Bashkuara, Donald Trump, ka rritur tonet kundër Iranit, duke e përshkruar atë si një “komb të dështuar” dhe duke kritikuar drejtuesit e vendit pas përshkallëzimit të fundit ushtarak mes dy shteteve.
Të lidhura
None found
Përmes një mesazhi të publikuar në rrjetin e tij social Truth Social, Trump deklaroi se udhëheqja iraniane ndodhet në “rrëmujë totale” dhe se nuk është e aftë ta përfaqësojë vendin në mënyrën e duhur.
Reagimi i presidentit amerikan u bë publik pasi SHBA-ja dhe Irani kryen sulme të ndërsjella gjatë natës. Ushtria amerikane goditi pozicione iraniane në ishullin Larak, ndërsa Teherani iu përgjigj me raketa kundër bazave amerikane në Jordani.
Përplasjet e reja përfaqësojnë rikthimin e konfrontimit të drejtpërdrejtë pas një periudhe relativisht të qetë. Në këtë situatë, Ngushtica e Hormuzit vijon të jetë një nga zonat më të tensionuara të konfliktit.
Krahas veprimeve ushtarake, administrata Trump po intensifikon edhe trysninë ekonomike ndaj Teheranit. Masat e reja ndëshkuese janë të orientuara ndaj rrjeteve financiare dhe institucioneve që bashkëpunojnë me Iranin.
