Reza Pahlavi, ish-princi trashëgimtar dhe biri i shahut të fundit të Iranit, Mohammad Reza Pahlavi, i cili u rrëzua nga Republika Islamike në 1979, ka bërë thirrje për rrëzimin e regjimit aktual.
Në një postim në X (ish-Twitter), Pahlavi shkruan se vdekja e liderit suprem iranian nuk përbën “fundin” dhe i fton iranianët të “rrëzojnë” Republikën Islamike. Ai thekson se populli duhet të përgatitet për “prani masive dhe vendimtare në rrugë” dhe i inkurajon edhe të bëjnë thirrje dhe të brohorasin nga shtëpitë gjatë natës.
Të lidhura
None found
Më herët, Pahlavi kishte bërë thirrje për zyrtarët iranianë që të “dorëzohen”, si dhe për forcat e armatosura dhe organet e rendit që të përdorin armët e tyre për të “mbrojtur popullin e madh iranian” dhe jo “republikën e krimit”, me qëllim që “të përfundojë sa më shpejt makthi” i regjimit.
Gjatë protestave të fundit kundër qeverisë në Iran, Reza Pahlavi u shfaq si figurë kryesore e opozitës, dhe në disa zona demonstruesit brohorisnin emrin e tij si simbol të rezistencës ndaj regjimit.
